David Lombao

A Xunta Electoral de Zona abre proceso sancionador contra a actual alcaldesa lucense por contravir a lei cunha visita ás obras dun aparcadoiro e o comunicado oficial posterior, no que se gabou da súa xestión e atacou o goberno de PSdeG e BNG na cidade, tombado o pasado maio pola moción de censura do PP cunha edil tránsfuga . A XEZ coida que foi "contraria á debida neutralidade", ordena retirar a nota do web do Concello e insta a Candia a "absterse de levar a cabo actos similares" ata despois das xerais. O PSdeG local ve "confirmado" que "utiliza o Concello como unha extensión do PP

As subvencións para autonomías con zonas de mercado residencial tensionado chegan ao BOE. Os consistorios coruñés e compostelán reclamaran ao Goberno galego a transferencia dos cartos pola súa oposición política á medida. Rueda avanzara a súa intención de destinar a achega á promoción de vivenda pública. O Real Decreto permíteo se son de alugueiro accesible, con protección permanente e de acordo cos concellos

O Estado retira da poxa prevista para novembro o inmoble que o consistorio prevé mercar cun crédito de 1,3 millóns e habilitar nel 15 pisos públicos. O goberno local xa adquirira en 2025 ao Plan Sobre Drogas outros terreos que foran de Dorado para 70 vivendas públicas máis e dotacións coma un parque

Miguel Santalices encabezará a candidatura dos populares á Cámara Alta por Ourense e Fabiola García será a número dous da lista que encabeza Miguel Tellado pola provincia da Coruña

Rueda responde sobre desigualdades da cidadanía atribuíndoas a Pedro Sánchez, ao PSOE e ao BNG e sinalando as eleccións xerais como "oportunidade de acabar con todo isto", porque "a xente" vai dicir que "veña o PP". Pontón ve "en evidencia" que o presidente xa "non ten nada que ofrecer ao país" e ínstao a aclarar se "vai cumprir" coas 1.800 vivendas en alugueiro social prometidas para 2026, Besteiro lamenta que o seu plan "estrela" para afrontar a carestía da vida sexa rebaixar o IRPF no equivalente a "dous cafés"

O custo dos recortes tributarios do Goberno galego sobe por riba do 2% para o ano vindeiro e suporá perder de ingresar uns 500 millóns de euros. As rebaixas de máis impacto seguen sendo as do imposto de sucesións e doazóns, cunha perda estimada de 335 millóns; polo desconto no imposto de patrimonio, que só pagan as rendas máis altas, perderanse uns 39 millóns, case un 6% máis

O ex-presidente recoñece contactos coa formación da extrema dereita con "discreción" e "respecto" para acordaren candidaturas, tentar acceder á maioría da Cámara Alta que permite remudar postos no Constitucional e confrontaren co proxecto unitario liderado por PSOE e Fronte Ampla. Os populares alentan o seu 'número dous', que repite encabezando a candidatura coruñesa, cun "a por eles" dirixido ao BNG e outras forzas soberanistas

A Xunta volve prever nos Orzamentos de 2027 que o seu complemento ás PNC sexa un pagamento anual dun máximo de 220,50 euros, que nos catro anos previos acabou deixando en 218. Previamente Feijóo mantivérao máis dunha década nos 206 que aprobara tras rectificar a decisión de suprimilo

Aproveita a lei de acompañamento para permitir aos propietarios replantar o 100% da superficie desta especie noutra parcela, algo que só se permitía reducindo ao 75% a repoboación. O Goberno galego confirma unha modificación que intentou hai un ano a través dunha emenda do PP que o partido esquecera tramitar.  

A Xunta entrega as contas públicas do ano vindeiro ao Parlamento, o que permite comprobar como se reparte a anunciada suba xeral do 6%. No incremento do orzamento de dependencia destaca o incremento superior ao 50% dos fondos para pagamentos a familiares de persoas dependentes no fogar, en vivenda as maiores achegas ao IGVS e á empresa pública 

O Consello do Goberno galego aproba os Orzamentos Xerais do ano vindeiro, cun importe récord por sétimo ano consecutivo "pola boa marcha da economía e do emprego" e cuxos detalles serán públicos o luns vindeiro, cando entren no Parlamento. O proxecto inclúe tres novas rebaixas de impostos tras deixar de recadar por esta vía 2.100 millóns na primeira metade da década

O grupo de votantes menores de 35 anos medra un chisco tras dúas décadas de caída continua e sitúase na contorna das 370.000 persoas nun censo no que o grupo con máis peso segue a ser o de maiores de 65. Case 78.000 mozas e mozos poden votar por primeira vez nunhas xerais en Galicia por faceren 18 anos dende as anteriores, as de xullo de 2023.