0 Gardados para despois

Un país sen caixas

O 1 de decembro de 2010 botou andar Novacaixagalicia, froito da fusión entre Caixa Galicia e Caixanova. En setembro de 2011 consumouse a bancarización dunha entidade con máis de tres millóns de clientes e unha cota de mercado de preto do 50%. A nacionalización de Novagalicia Banco e a absorción de Banco Pastor deixa Galicia sen poder de decisión no sector financeiro, máis aínda tras a adquisición, o 18 de decembro de 2013, da herdeira das caixas galegas polo venezolano Banesco.

Luis de Guindos

De Guindos reduce por lei un 65% o soldo de Castellano

Novacaixagalicia, como xa indicou Praza, deberá transformarse nunha fundación de carácter especial xa que non prevé en ningún caso superar o 25% da cota de poder en Novagalicia Banco. Os directivos das entidades nacionalizadas terán un salario máximo de 300.000 euros ao ano

Feijóo e Currás, con Varela, Gayoso e Castellano

O Goberno finiquita a aventura de Feijóo e Castellano

As catro entidades nacionalizadas polo Estado, entre elas Novagalicia Banco, van ser sacadas ao mercado "o antes posible". Sairán á venda. A poxa, de producirse, pon fin á aventura de José María Castellano como presidente dun banco que esperaba contar ata o mes de setembro para captar 500 millóns de capital. Feijóo debe comparecer o día 15 no Parlamento galego para falar do futuro da entidade.

  • Novagalicia Banco: o aforro sacrificado dos galegos

    A historia da caixa única galega comeza no outono de 2009. A expansión acelerada, a concentración nos riscos e a connivencia dos Gobernos autonómico e central fixeron que Caixa Galicia e Caixanova consumasen a súa fusión con severos problemas de solvencia. Unha reforma lexislativa do Executivo socialista crebou a aspiración social da empresa. Outra modificación, desta vez do Goberno popular, pode rachar coa aspiración mesma da supervivencia

  • Traballar sen crédito

    No primeiro trimestre do ano 2006 a banca incrementou en case un 27% a concesión de créditos a empresas e familias de Galicia. Coa desaparición case efectiva das caixas e a crise de solvencia das entidades ampútase, en moitos casos, o acceso ao crédito para parte da cidadanía galega

  • De Guindos acelera o final de Novagalicia Banco

    As novas esixencias de blindaxe ante o ladrillo obrigan a NCG Banco a captar uns 1.000 millóns máis e a explicar antes de xullo como o fará. A premura imposta polo Goberno central e a preferencia do Banco de España pola poxa pechan aínda máis as portas a un futuro en solitario para a entidade.