Só as preferentes e o apoio ás frotas galegas no estranxeiro suscitaron a unanimidade da Cámara. Os conservadores tiveron apoio dalgún grupo da oposición no 16% das súas iniciativas e sacaron adiante medias como a inocua rebaixa do IRPF ou o recorte de escanos.
PSdeG, AGE e BNG apostan por unha reforma que aumente os impostos ás rendas altas e non incida nos máis desfavorecidos e achegan unha morea de propostas contra o empobrecemento, a desigualdade social e o paro.
O presidente apela á responsabilidade de PSdeG, AGE e BNG para instalos a compartir diagnóstico político e económico. Romeu, Beiras e Jorquera ínstano a abandonar a "arrogancia", fixarse nos problemas "da xente" e "gañar" o "respecto" e a "credibilidade".
Debuta como voceiro socialista culpando o presidente "da destrución do Estado de Benestar" e ofrécelle un pacto que inclúa "un plan de emprego e o mantemento de Novagalicia como entidade financeira galega".
O líder de AGE asegura que hai "alternativa á actual barbarie" e reta a Feijóo a convocar eleccións "se está tan seguro" de que conserva o apoio da maioría social do país.
O discurso de Jorquera tivo unha forte compoñente económica: do paro aos recortes, pasando polos repagos. E tamén fixo fincapé nas "cortinas de fume" coas que, ao seu xuízo, Núñez Feijoo busca decote "ocultar a realidade"
