Louzán confirma que optará a presidir a Federación Galega de Fútbol. Así o adiantou Praza o pasado setembro.
Fálase
-
Alfonso Alonso, novo ministro de Sanidade. O voceiro do PP no Congreso, avogado e filólogo, ocupará o posto que deixou vacante Ana Mato.
O Deportivo pecha a bancada dos Riazor Blues para os dous próximos partidos en Riazor. Faino de xeito "provisional e simbólico", tal e como anunciou o seu presidente a través da lectura dun comunicado nunha rolda de prensa sen preguntas convocada tras o asasinato dun ultra do Depor nunha pelexa con membros do Frente Atlético.
O PP oponse a pedir o traspaso a Galicia das competencias de salvamento marítimo, como reclama o BNG no pleno do Parlamento. A popular Paula Prado, que interveu para rexeitalo, reprochoulle a PSdeG e BNG a ausencia de traspasos competenciais durante o bipartito. No mandato de Feijóo a Xunta non sumou ningunha competencia nova.
A Xunta disponse a incorporar 76 coches ao seu parque móbil mediante un leasing con opción de compra por importe de ata 1,5 millóns de euros. O Goberno prevé iniciar os trámites da compra en xaneiro e no mesmo proceso adquirirá, coa mesma modalidade, 12 vehículos para a Policía Autonómica por uns 250.000 euros.
O paro baixa en 14.688 persoas en novembro no conxunto de España e a afiliación á seguridade social crece en 5.232 persoas. Pola contra, en Galicia o desemprego increméntase en 4.588 persoas, con 4.100 afiliadas menos. Hai 248.632 parados e paradas rexistradas nas oficinas galegas de procura de emprego. Toda a información, esta mañá en Praza.
O alcalde socialista de Cortegada, Avelino de Francisco, recoñece que ficha polo PP polas "axudas da Xunta e da Deputación"
A dirección de Abanca reunirase este martes cos sindicatos para negociar cambios nas condicións dos seus 4.500 empregados e empregadas
Dous mil paraugas vermellos celebraron este luns en Lugo os 150 anos da Cruz Vermella e o décimo cuarto aniversario da declaración do monumento como Patrimonio da Humanidade
O Deportivo alertou á Policía de que cando menos un autobús con Riazor Blues se dirixía a Madrid coincidindo co partido ante o Atlético