As Mareas en Común inician a recolleita de apoios aos seus principios básicos. Veñen de publicar os textos íntegros na súa web.
Fálase
Metroscopia publica senllas enquisas de estimación de voto en eleccións xerais na Coruña e Pontevedra. Pequenos descensos para PP e PSOE e ascensos para En Marea e Ciudadanos, que en Pontevedra obtería un escano, que perderían os socialistas.
A Audiencia Nacional obriga a reabrir a causa polos asubíos ao himno de España na final da Copa do Rei. A Sala argumenta que existe un "ambiente institucional" diferente a respecto da independencia catalá a respecto de 2009, cando unha denuncia semellante non prosperara.
Unha sentenza conclúe que os terreos nos que se sitúa o Hospital Montecelo (Pontevedra) pertencen aos comuneiros de Mourente. En 2011 a xustiza xa recoñecera a propiedade comunal do espazo que ocupa a Brilat. As parcelas de Montecelo foron expropiadas polo Estado durante a ditadura franquista, ao igual que moitas outras propiedades de tipo comunal nos anos 60 e 70.
Unha ducia de detidos nunha operación policial contra a fraude fiscal en Vigo. A fraude atribuída ao Grupo Hermida podería chegar aos 12 millóns de euros
A Confederacion de Empresarios de Galicia (CEG) busca liquidez en varias entidades bancarias para evitar a súa quebra. A organización quere conseguir unha terceira hipoteca para a súa sede.
Gestha alerta de que o Ministerio de Facenda podería avisar os españois que teñen contas ocultas en Suíza (cunha suma total de 8.000 millóns de euros) e que figuran na lista de Renania, unha información conseguida polo goberno do land alemán. O departamento que dirixe Montoro podería ofrecerlles a posibilidade de presentar declaracións complementarias.
A xuntanza entre Rajoy e Puigdemont durou dúas horas e media. O presidente do Goberno en función comprometeuse a estudar todas das demandas presentadas polo líder da Generalitat (financiamento, renegociación do déficit...) agás as que teñen que ver coa folla de ruta soberanista. Soraya Sáenz de Santamaría e Oriol Junqueras reuniranse nas vindeiras semanas
Podemos e IU inician os contactos para a confluencia se se repiten as eleccións xerais. As negociacións non comezarían ata que se confirme a nova convocatoria electoral
O Congreso aproba unha proposición non de lei de En Marea para instar ao Ministerio de Defensa a paralizar a poxa dos terreos do Campo da Estrada (A Coruña) e ceder o espazo gratuitamente ao Concello para o seu uso público. Defendeu a proposta Antón Gómez-Reino