Todos os eurodeputados de PP e PSOE, agás dúas abstencións socialistas (Elena Valenciano e Javier López), votan a favor de que continúen as subvencións europeas á tauromaquia: 130 millóns de euros anuais. A proposta de supresión destas axudas foi presentada polo Partido Verde Europeo.
Fálase
Julio Somoano, destituído como director de informativos de TVE. Será substituído por José Antonio Álvarez Gundín, subdirector de opinión de La Razón. Baixo a dirección de Somoano os informativos da televisión pública, ademais de recibir constantes denuncias de manipulación en favor do Goberno, pasaron dunha audiencia media do 18,7% (decembro de 2011) ao 12,5% (setembro de 2014)
Máis de medio millón de persoas acudiron ás salas na primeira xornada da Festa do Cine, que permite ver filmes por 2,90 euros até este mércores.
A contable de Azetanet, a consultoría de Gerardo Crespo, admite que sacou cartos da caixa B para facer "dous sobres" para o PP. Nos documentos decomisados pola Policía figuran pagamentos de 17 mil euros ao Partido Popular. A trama chega ata Feijóo; un amigo do presidente da Xunta, Francisco Ramón de Lucas Blanco, mediaba entre a trama e a cúpula do PP
A maioría das 60 titulacións que ofrecen máis opcións para atopar un emprego son de ciencias, encabezadas pola Medicina, a Óptica a Enxeñaría Industrial, segundo un informe do Ministerio de Educación
A consulta proposta pola Generalitat para o 9-N tería unha participación do 33%, segundo unha enquisa que publica El Periódico
Aznar pactou unha comisión do 1% con Abengoa para conseguir adxudicacións na Libia gobernada por Gadafi. O ex presidente tería gañado seis millóns de euros se a empresa construíra as desaladoras pactadas, un proxecto frustrado pola guerra que desaloxou o mandatario.
O número de nenos e nenas que en España vive en condicións de pobreza aumentou en 800.000 dende o comezo da crise, segundo datos de Unicef. Hai ao redor de 3 millóns e nenos e nenas pobres, máis dun terzo do total. Roger Senserrich reflexiona en Politikon sobre "as prioridades de gasto" en España e os "perdedores do estado de benestar", lembrando que dende o 2004 crece a pobreza infantil e só se reduce a dos maiores de 65 anos.
Rajoy pide perdón pola operación Púnica pero exculpa os partidos. Os socialistas responden con berros de "dimisión" no Senado.
O Parlamento aproba unha nova lei que regula as iniciativas lexislativas populares, cos únicos votos a favor do PP e a abstención de todos os grupos da oposición. BNG e AGE denuncian que o texto orixinal, presentado polo Bloque, foi "desnaturalizado" e "deturpado".