- Unha ducia de moléculas relacionadas co outono
- Unha ducia de moléculas contra o cancro
- Unha ducia de vitaminas
A Unesco celebra este ano os 150 anos da clasificación divulgada polo ruso Mendeleev, da que Moléculas en Galego vén de divulgar a súa versión galega
A Unesco decidiu que 2019 sexa o Ano Internacional da Táboa Periódica de elementos químicos en conmemoración da súa primeira formulación polo científico ruso Dmitri Mendeleev. As súas abreviaturas proceden dos termos en grego e latín ou dos nomes dos seus descubridores, pero hai palabras propias de moitos idiomas do mundo para designar moitos deses mesmos elementos e, en Galicia, Moléculas en Galego leva tempo facendo un importante esforzo de divulgación desas verbas autóctonas e das traducións ao galego doutros moitos conceptos químicos máis.
Malia que desde a aprobación do denominado decreto do plurilinguismo xa non se pode estudar a materia de química en galego na educación secundaria, nada impide aos químicos galegos falar de ouro ou ferro sabendo que eses termos teñen máis similitude que os doutras linguas coas abreviaturas empregadas internacionalmente.
Agora, para incentivar o uso de termos químicos en galego, Moléculas en Galego vén de divulgar a táboa periódica en galego e de abrir, a través da súa conta de Twitter (@moleculas_gal) un sorteo dun exemplar do libro Guía dos elementos químicos, Historia, propiedades e aplicacións.
