O CD Lugo abre un concurso para elixir o seu himno oficial. Un xurado elixido pola entidade escollerá a mellor proposta.
Fálase
Adega e a Plataforma Sarriana polo Río convidan a "encher de cor" as árbores do Malecón da vila o vindeiro sábado pola mañá
Hernández salienta que non se prevén protestas durante a visita de Angela Merkel a Santiago porque é unha "cidade de acollida", destaca o alcalde compostelán. Cóntao Galiciaé.
Colectivos feministas e sindicatos rexeitaron esta mañá en Vigo cunha concentración o veto do Sergas a unha traballadora por estar embarazada.
Guanyem Barcelona acada as 30.000 sinaturas que se propuxera para seguir adiante coa plataforma electoral de cara ás municipais de 2015 e anuncia un grande encontro o vindeiro 16 de setembro.
Rajoy, disposto a ilegalizar os gobernos municipais de coalición aínda que non conte co apoio do PSOE, segundo publica este mércores El País na súa primeira páxina.
Os colexios que segregan por sexo aplauden que a Xunta lles devolva os concertos e cualifican de "moderno" o seu sistema de ensino. "A única discriminación é o fracaso escolar", aseguran. Recólleo Faro de Vigo.
Os colectivos de persoas estafadas coas preferentes calculan que aínda restan uns 200 millóns de euros por devolver. Recólleo El País.
Véndex tivo 3 millóns en contratos e subvencións da Xunta entre 2005 e 2009. O Goberno galego respondeu unha pregunta do PSdeG ao respecto facilitando só os datos do período do bipartito, o cal atribuíu a un "erro". Publícao Europa Press na súa web.
O BNG homenaxeou esta mañá a Ánxel Casal en Compostela cun acto público polo aniversario do asasinato do que fora alcalde da capital galega. O Concello de Teo tamén lembra a figura de Casal con varios actos institucionais que inclúen unha ofrenda no lugar no que foi asasinado, en Cacheiras.