Feijóo retruca ás protestas do persoal dos medios públicos alegando que "non" ve os programas nin os informativos da TVG non "porque non me gusten", senón por falta de tempo, pero contrapón o "modelo" da canle galega fronte ao de RTVE tras as mudanzas dos últimos meses. Afirmouno nunha entrevista na Cadena SER
A ministra de Sanidade obtivo un máster con diversas irregularidades no mesmo centro da Universidade Rey Juan Carlos que os cuestionados títulos de Cristina Cifuentes e Pablo Casado. É unha información exclusiva que revela este luns eldiario.es. Esta foi a reacción á nova de Carmen Montón, que comparece ante a prensa esta mañá.
O conselleiro de Política Social, José Manuel Rey Varela, tentará ser de novo alcalde de Ferrol. “Non volvo porque nunca me fun”, di, segundo conta Ferrol360. No que vai de ano celebrou 38 actos como conselleiro nesa cidade, só por detrás de Santiago.
Feijóo, un dos baróns do PP que, xunto con Soraya Sáenz de Santamaría, non asiste á primeira xunta directiva de Pablo Casado, celebrada en Barcelona. Na reunión si estivo a galega Ana Pastor, presidenta do Congreso.
A esta hora (10.30) sae de San Marcos, ás aforas de Santiago, a manifestación en defensa dos medios públicos que rematará ás 12.30 horas na praza das Praterías. Diversos colectivos sociais, así como toda a oposición e sindicatos, están a sumarse á marcha. (Aquí toda a información actualizada da xornada con vídeo e galería de imaxes)
O Goberno central declara a área afectada polo estoupido dunha pirotecnia ilegal en Tui como "zona afectada gravemente por unha emerxencia" -antiga 'zona catastrófica'-, o que implica varias liñas de axudas e rebaixas fiscais. Esta declaración viña sendo reclamada pola veciñanza afectada polo suceso do pasado maio, onde morreron dúas persoas e quedou arrasada a aldea de Paramos.
Dimite o coordinador xeral do PP de Ferrol en vésperas da nova elección do conselleiro Rey Varela como candidato á alcaldía. Alejandro Langtry aclarou en rolda de prensa que abandona o partido e máis a súa acta de concelleiro por diferenzas políticas e atribúe á formación "oportunismo e demagoxia", segundo recolle Ferrol 360. Na imaxe de arquivo, Langtry nunha comparecencia pública.
Arquivada a causa sobre a pelexa na que foi asasinado o seareiro deportivista Jimmy con só 10 imputados dos máis de cen que foran procesados nun inicio. Neste verán, o xuíz pechara a instrución do caso que investiga a morte do afeccionado sen identificar ningún culpable.
As eurodeputadas galegas Ana Miranda e Lidia Senra participan hoxe na delegación da Eurocámara que visita os líderes independentistas cataláns encarcerados. (Imaxe de Jordi Solé -ERC-)
O mantemento do horario de verán sen mudar de fuso implicaría que en Galicia amencese ás 10 da mañá no inverno. Pódese comprobar o efecto dos diferentes horarios en varios puntos do Estado nesta peza interactiva de eldiario.es
