A Xunta anuncia a adxudicación das primeiras 27 liñas do novo plan de autobuses, a maioría a unións temporais de empresas. A relación completa dos contratos, nesta ligazón. O Goberno galego prepara a adxudicación doutros 11 contratos para esta semana e a asignación directa de tres máis, todos na provincia de Ourense, por non concorreren "ofertas válidas".
O xuíz decreta prisión provisional sen fianza para o home que acoitelou a súa ex-parella en Santiago o pasado luns. A muller vítima do ataque machista, Ana María, recupérase da vintena de coiteladas no Clínico compostelán. Recólleo a TVG
A Xunta non autoriza a segregación das centrais de Ferroatlántica, como pedía o grupo Villar Mir para a súa venda, por "non existir garantías dabondo para o mantemento da actividade industrial". Consulta aquí toda a información
As mortes por caídas fortuítas duplican en Galicia ás rexistradas nas estradas. Nove de cada dez vítimas superan os 65 anos.
Rajoy acode hoxe á Audiencia Nacional para cuestionar oito anos de investigación ao PP por corrupción. É a primeira declaración como testemuña dun presidente do Goberno central mentres está na Moncloa. A declaración ao vivo, nesta ligazón.
Permanece hospitalizada con prognóstico reservado a moza acoitelada pola súa ex-parella este luns en Santiago. O agresor xa foi detido, segundo informa a Policía e recolle Europa Press na súa web.
O Ministerio de Defensa conmemora o 25 de xullo co berro cruzado de "Santiago y cierra España"
O Concello de Santiago dedica as celebracións do Día Nacional de Galicia a Xoán Xesús González, o canteiro e xornalista que foi asasinado polos franquistas en 1936. O consistorio da capital galega emitiu un bando da Alcaldía para lembralo.
As vítimas do Alvia concéntranse arestora en Angrois en lembranza do accidente acontecido no serán do 24 de xullo de hai catro anos. Aquí, o máis destacado do acto.
Unha moza recibe entre 15 e 20 puñaladas en Santiago no que semella outro caso de violencia machista. A vítima está a ser atendida na unidade de críticos do Clínico compostelán, segundo informa Faro de Vigo.