Moitos expertos en patrimonio cultural, hidroloxía, bioloxía, ambientais ou edafólogos consideran que o proxecto pon en risco os princípios de prevención e precaución ambientais. Velaí as amplas posibilidades dunha xudicialización futura perante o TSXG
Este último venres, 14-M, coñeceuse a publicación no DOG da declaración de impacto ambiental (DIA) favorábel ao proxecto de celulosa Gama (no que a portuguesa Altri partilla cun 75%).
Moitos expertos en patrimonio cultural, hidroloxía, bioloxía, ambientais ou edafólogos consideran (velaí o recente informe do Consello da Cultura Galega e outras análises recentes ) que o proxecto pon en risco os princípios de prevención e precaución ambientais.
Velaí as amplas posibilidades dunha xudicialización futura perante o TSXG (a DIA non é recorríbel por seren un acto de trámite, mais a autorización administrativa que aprobe o Consello da Xunta de Galicia-competente por ter sido declarado o de Altri proxecto estratéxico- si é recorríbel), sendo probábel, consonte coa xurisprudencia deitada polo TSXG nos procedementos das autorizacións eólicas ultimos ao abeiro destes princípios ambientais do Dereito europeo, que a xustiza suspenda a autorización e, xa que logo, a execución do proxecto Altri, sendo moi improbábel que o Tribunal Supremo revogue a decisión que adopte o TSXG canto medidas cautelares, tendo en conta a falla de suceso que están acadando as promotoras eólicas contra decisións análogas de suspensión cautelar.
Como dicía este domingo David Chipperfield, alén do seu stress biolóxico, é absurdo un proxecto que prioriza a explotación forestal do eucalipto impedindo o desenvolvemento da vocación produtora de alimentos das bisbarras afectadas. Xusto nuns tempos que esixen gañarmos a autonomia alimentaria, no nível galego e no nível europeo
Ese río xa chegará e, entón, haberá que atravesalo. Mais hai unha vertente que se esquece moito máis cando analisamos este proxecto tan discutíbel e tan pouco aprezado polo conxunto da cidadania galega, nomeadamente no val do Ulla, ría de Arousa (Norte e Sur), A Ulloa, o Deza e as Terras de Arzúa e Melide. É dicir, na liña transversal central da Galicia, das portas de Lugo ás portas de Pontevedra e Vilagarcía pasando polas de Lalïn e da propia Compostela, capital do país.
E esta vertente é o seu absurdo económico e empresarial, a súa caracterización de proxecto de encrave para o aproveitamenrto do eucalipto nun territorio de sacrificio. Como dicía este domingo 16-M David Chipperfield, alén do seu stress biolóxico, é absurdo un proxecto que prioriza a explotación forestal do eucalipto impedindo o desenvolvemento da vocación produtora de alimentos das bisbarras afectadas. Xusto nuns tempos que esixen gañarmos a autonomia alimentaria, no nível galego e no nível europeo.
