En 1997 o Furia AC de Valga aliñou no seu equipo cadete a Diana Rey Martínez, Rebeca Viñas Arning e Rosa Pardal Aragunde. Esta decisión forzou meses despois ao Comité Galego de Disciplina Deportiva a recoñecer o seu dereito e o de calquera cativa a xogar no fútbol federado. O BNG propuxo no pleno municipal poñerlle os seus nomes ás instalacións deportivas de Campaña, pero a iniciativa foi rexeitada polo PP.

O Burela FS consumou este sábado o seu descenso, despois de 17 tempadas na máxima categoría do fútbol sala nas que gañou 6 ligas, 7 copas, dous trofeos continentais e nas que foi considerado dous anos como o mellor equipo do planeta. A quebra de Pescados Rubén a finais de 2024 deixou á entidade sen recursos económicos cos que competir ao máximo nivel.

O club adaptará o seu nome ao topónimo en galego e oficial da cidade tras a intensa campaña a favor impulsada pola rapazada do proxecto Aquí Tamén Se Fala e logo dunha enquisa aos seus socios e socias, que deron un apoio masivo á mudanza. 

O ciclista de Ponteareas gañou entre abril e maio de 1986 a Vuelta a España, un triunfo que o converteu nun ídolo de masas, un dos símbolos da Galicia dos 80 e que mesmo entrou a formar parte dunha canción dos Resentidos. Lembramos os detalles da vitoria do corredor, que anos máis tarde foi tamén director de varios equipos, entre eles o Xacobeo-Galicia.

A entidade xestora do dominio galego en internet renova por oitavo ano o seu apoio á Asociación Galego de Fútbol Gaélico, co foco na promoción internacional da selección e o impulso deste deporte entre a rapazada coas Gaélico Escolas

A renuncia da Coruña deixa o país sen partidos mundialistas en 2030 á espera dunha posible pero complicada inclusión entre as sedes de Balaídos, que para alcanzar os 43.000 asentos que pide a FIFA afrontará a demolición dunha bancada de menos de dez anos e dobrará o custo inicial previsto para a súa reforma, ata superar os 120 millóns de euros. Caballero acusa a Louzán e Rueda de vetar a cidade olívica. 

Inés Rey confirma que o Concello desbota ser sede polas "elevadas exixencias" da FIFA que fixeron "inviable" o proxecto e para "non hipotecar" o Deportivo e a urbe "por tres ou sete días nun investimento que non ía ter retorno ningún". A alcaldesa anuncia, xunto a Juan Carlos Escotet, presidente do club, a futura reforma de toda a cidade deportiva de Riazor e do estadio e unha nova etapa de "entendemento mutuo". 

A alcaldesa, Inés Rey, e o presidente do Deportivo, Juan Carlos Escotet, reúnense para determinar a viabilidade dun proxecto que leva meses estancado e sen novidades, a unha semana de que unha delegación da FIFA visite a cidade. "Tiña uns deberes e non se fixeron", alerta Louzán, presidente da Federación Española de Fútbol. 

A futbolista de Redondela virou estrela e capitá do Benfica, grande de Portugal,  país onde leva máis dunha década. Logo de obter a nacionalidade portuguesa e tras superar dúas graves lesións, vén de ser convocada polo combinado luso.