Con ledicia, sorpresa e incredulidade. Así recibiron as libreiras de NUMAX este galardón, outorgado pola Confederación Española de Gremios y Asociaciones de Librerías (CEGAL), co apoio do Ministerio de Cultura. "Este é o mellor premio que podemos ter no noso ámbito", explica Mariña de Toro xunto a María Villamarín e Olaia Tubío
O festival compostelán reafirma a súa vocación de achegarnos películas que dificilmente atoparían outro espazo de exhibición nas salas galegas, combinando grandes nomes da creación autoral con novas voces, obras que dialogan co presente e propostas que recuperan a memoria histórica
O 5 de novembro de 1876, hai exactamente 150 anos, O Tio Marcos d'A Portela incluíu nas súas páxinas o primeiro anuncio publicado en prensa, que subliñaba a existencia de "notabres rebaixas n'os preceos e grandes descontos o contado" e pedía "fixarse ben pra non ser enganados", reclamando "coidado co-as falsificaciós e imitaciós alemás".
A Feira das Culturas Galegas reunirá en Pontevedra do 26 ao 29 de novembro a máis de 800 artistas e creadores de todas as disciplinas en preto de 200 espectáculos e actividades. O musical As Cigarreiras, unha tarde de homenaxe a Narf ou un concerto das bandas gañadoras dos premios Martín Códax, entre os avances da programación
O vindeiro 10 de novembro Cuesta inaugura KIRI, unha mostra individual no Instituto Cervantes Toquio coa que abre camiño á artesanía contemporánea galega no Xapón. Poderá visitarse de forma gratuíta ata o 19 de novembro.
"A catástrofe é o meu. Aprendín a moverme nas catástrofes", afirmou Margarita Ledo Andión na xornada do ciclo 'De pioneiras e andainas' que lle dedicaron este xoves no Centro de Documentación en Igualdade e Feminismos do Consello da Cultura Galega
"No feito está inscrita a experiencia da mirada. O punto de vista que sabe das palabras, pero tamén dos corpos e dos afectos. Escrita, cine e política da experiencia". Así sintetiza o CCG a traxectoria de Margarita Ledo, á que homenaxean este xoves coa xornada aberta 'O punto de vista involucrado no feito'
Mariña Fernández, filla do escritor, foi a encargada de descubrir a placa nun acto celebrado polo Concello en colaboración co Instituto de Estudos Chairegos, que inaugurou tamén a iniciativa Miradas sobre Agustín 2026-2027. Xavier Senín leu un manifesto a prol do recoñecemento da traxectoria de Agustín Fernández Paz coas Letras Galegas de 2028.
Redrum Teatro volve apostar pola confrontación da realidade enriba dos escenarios, por que o público saia das representacións coa necesidade de comentar a experiencia vivida. Un ensaio homónimo da investigadora Montse Fajardo, como xa ocorreu coa obra 'Invisibles', serve de punto de partida para o texto dramático que asinan Marián Bañobre e Santiago Cortegoso. 'Caídas' vén de estrearse en Compostela e pode verse esta fin de semana en Moaña e Baiona
