Yolanda Castaño recibe a boa nova do Premio Nacional de Poesía 2023 mentres participa nun festival de poesía en México. "Creo que a poesía tamén se debe a esa actitude de cuestionar o statu quo, as verdades herdadas, as opinións de segunda man, as expectativas que existen e os valores aparentemente inamovibles que deglutimos de maneira ás veces pouco crítica", afirma a autora de 'Materia', editado por Xerais.
Jaione Camborda conta en 'O Corno' a viaxe persoal dunha muller que ten que refacer a súa vida de imprevisto, coa maternidade e a liberdade como temas de fondo. Gañadora da Cunha de Ouro no Festival de San Sebastián, chega aos cines o 11 de outubro
Aurora Marco vén de publicar a biografía Carmiña Sierra. A primeira muller do Seminario de Estudos Galegos (Alvarellos), presentada este xoves en Pontecesures, onde naceu en 1906 esta mestra e militante comunista que en 1923 se converteu na primeira muller en ser admitida na institución.
A pasada semana a Deputación, agora presidida polo popular Luís López, anunciou o nomeamento de Ángeles Tilve Jar en substitución de José Manuel Rey, que chegara en 2019 tras un concurso aberto. Os sete integrantes do Consello Asesor abandonan o posto en "disconformidade" con decisións "unilaterais" que "non responden a ningún parámetro de orde técnica"
O 29 de setembro de 1993 foi inaugurado o Centro Galego de Arte Contemporánea. Esta semana, polo tanto, celébrase o 30 aniversario da entidade, que conmemora a efeméride cunha serie de actividades que acompañan unha programación de exposicións e instalacións que nos últimos meses están a facer repaso da traxectoria do museo.
Do 29 de setembro ao 8 de outubro o Ourense Film Festival ofrecerá máis dun cento de proxeccións e actividades. Entre as súas novidades está a posta en marcha da sección competitiva galega (Panorama Galicia), que inclúe sete documentais e tres filmes de ficción.
O Festival Internacional Outono de Teatro de Carballo abraza a diversidade desde as artes escénicas. Nesta edición número 32, que se celebra do 28 de setembro ao 31 de outubro, contará con 38 espectáculos, dez estreas absolutas e oito estreas en Galicia
Desde o Pitufo Lambón ata Son Goku (adulto), pasando polo señor Sheffield de ‘A Nanny’. A voz de Antón Rubal Pernas (O Valadouro, 1964) forma parte da infancia de moitos aínda que non o saiban. Como director de dobraxe, Rubal é o responsable da versión galega de ‘Pulp Fiction’, ‘Apocalipse Now’, ‘Heidi’ ‘Marco’ ou ‘As Normas da Casa da Sidra’.
Mondra publica ARDĒN, o resultado de meses de experimentación musical tras toda unha vida vencellado aos sons da tradición galega. "Medrei xa dende os sete anos tocando a pandeireta e bailando, é algo que forma parte de min", asegura agora, aos 23 anos, a piques de comezar un novo espectáculo co seu primeiro álbum que presentará na sala Capitol de Santiago o 29 de setembro rodeado doutras artistas como as Fillas de Cassandra, Aida Tarrío e Berto.
O proxecto para fomentar a creación en galego consolídase e repartirá 7.500 euros en galardóns entre as persoas gañadoras de oito categorías.