María Xosé Porteiro entrevista en Vigo a Elmar Eggert, director do Centro de Estudos Galegos adscrito ao Seminario de Linguas Románicas da Universidade de Kiel (Alemaña). “A linguaxe é sempre algo cultural, histórico, social. Unha cousa é falar e outra comunicarse”, destaca Eggert.
Na cuarta edición do Foro da Industria Galega do Audiovisual (FIGA), a Academia Galega do Audiovisual programa en outubro e novembro tres talleres centrados en comunicación e promoción, desenvolvemento de audiencias e distribución, impartidos por profesionais de ampla experiencia no sector.
Cando a chamaron para anunciarlle que gañara o Premio Nobel de Literatura 2026, Anne Carson atopábase en Islandia “escoitando o vento”. A súa obra pódese ler en galego grazas ás traducións de Jesús Castro Yáñez: 'A antropoloxía da auga', unha sorte de diario do seu percorrido do Camiño de Santiago, e 'Autobiografía do vermello', unha novela en verso que recupera un poema da mitoloxía grega, ambas editadas por Chan da Pólvora. Falamos co seu tradutor e mais coa poeta Chus Pato e o escritor Brais Lamela sobre este galardón a unha autora que se afasta dos canons.
Unha lectura de “A Santiago voy” que pon o foco na ausencia explica o éxito de Los Tamara entre a comunidade emigrante galega, que podía identificarse co desexo expresado na canción: soñar con Galicia na distancia como un lugar fetichizado, unha promesa de felicidade derivada dunha fantasía que calma a soidade e a morriña.
Tres anos despois de converterse no primeiro grupo que enchía o Coliseum da Coruña (con capacidade para 9.000 persoas) cantando en galego, as Tanxugueiras redobran a aposta. O vindeiro sábado 17 de outubro volven ao recinto para presentar O Cuarto, o seu novo álbum, nunha noite repleta de sorpresas. Falamos con Aída Tarrío.
María Yáñez, directora do filme, recolle os galardóns acompañada de Carmen Quiroga, filla de Ana Kiro, e agarda que esta "viaxe musical" sobre a "historia de amor" da "diva do torreiro" co seu público sexa "a película deste Nadal" nos cinemas, aos que chega o 11 de decembro
Iago Castro publica nun artigo en Madrygal un texto que o poeta dedicou en 2001 a un traballador do naval e que foi rescatado anos despois pola súa sobriña nunha redacción na clase de Lingua Galega. O texto, destaca, "leva ao poético a memoria da loita colectiva" e "conecta estas loitas do pasado co presente", neste caso a través da lectura que realizou a rapaza: “eu sempre estarei orgullosa do meu tío; é un claro exemplo a seguir: unha persoa loitadora”.
O trío presenta Temporal, un sétimo álbum que mantén a esencia dos anteriores: intensidade emocional e paisaxes sonoras en forma de cancións de pop escuro. Preséntano este domingo no Teatro Colón da Coruña no ciclo Tándem, o 9 de outubro na Sala Riquela de Santiago e o 25 de outubro no Teatro Jofre de Ferrol. Falamos con Rosalía Fernández Rial.
Un traballo da pontevedresa Alba María Moledo Ucha sobre a xornalista que dá nome aos galardóns de ensaio da Academia Galega do Audiovisual obtivo o primeiro premio na décima edición do certame. Non só foi a primeira muller en dirixir un xornal (La Vanguardia, en 1936) senón que publicou máis de 400 pezas e críticas cinematográficas baixo o seu pseudónimo Felipe Centeno. Mesmo traballou na industria, realizando textos e traducións para a Paramount.
As dúas bandas ultiman un EP en vinilo, Outros corpos, no que cada unha interpretará temas da outra. Presentarano, ademais, nun concerto moi especial no que ambas as formacións compartirán escenario no Auditorio de Galicia de Santiago o vindeiro 25 de outubro.