Trátase dun catálogo en liña de videoxogos en galego pensado para superar as dificultades que ofrecen as distintas tendas e plataformas dixitais á hora de intentar xogar en galego. O proxecto, impulsado por Recuncho Gamer, expandirase con visitas a centros educativos e outras actividades que buscan achegar os xogos en galego á sociedade.
Bruxas e Dragóns: Baba Iagá (Triqueta) é o primeiro libroxogo en galego, escrito por Ledicia Costas e Luismi Pérez e ilustrado por Bea Gregores. A obra, que esgotou rapidamente a súa primeira edición, combina lectura e toma de decisións e conta con 52 finais distintos. A súa autora e autor inician unha xira de presentacións na Coruña, Bueu, Pontevedra e Vigo.
A USC acolleu a I Xornada Avances na biografía de Rosalía de Castro, na que se afondou nalgúns aspectos menos coñecidos da traxectoria da poeta, como o seu paso por Madrid, onde viviu entre 1855 e 1858, que tivo unha importancia fundamental, destacou Luis Miguel Fernández. Xurxo Martínez falou dos continuos intentos por tratar de encaixar a súa biografía nun discurso de tristura cando a súa propia filla a definiu como unha persoa alegre.
"Jacinta Landa Vaz, que naceu en Badaxoz en 1894 e que morreu en México en 1993 coa súa última palabra “Galicia” no bico e no corazón, foi para nós, sobre todo, a dona de Xoán Vicente Viqueira. Como en tantos outros casos, sabiamos o seu nome con negativa visión de xénero, como a dona de…", comeza dicindo Antón Costa nesta peza publicada en Grial sobre esta educadora renovadora e republicana que se exiliou en 1939.
A asociación socio-pedagóxica, que leva 30 anos traballando con centros de ensino de Galicia e Portugal para a preservación do patrimonio, celebra a decisión, acordada na xuntanza do Comité Intergubernamental que se celebra estes días na India. PNO convértese nun dos 14 modelos de referencia, só tres deles en Europa.
Sés ten novo disco, Nadando na incerteza, un traballo no que Maria Xosé Silvar soa máis directa, sen artificios, nun regreso á esencia e confiando plenamente "na palabra e na canción". María Xosé Silvar, que se define como cantora e non como cantante, volve entregar un traballo de sinceridade radical, que presentará en xaneiro e febreiro nunha xira por teatros. Falamos con ela sobre a situación da música en galego ou as recentes homenaxes ás cantareiras.
Unha enfermidade obrigouno a suspender a súa última xira tras o seu concerto en Vigo hai algo máis dun ano; sen sabelo, Galicia acolleu a última actuación dun artista mítico e de letras profundas e admiradas como poucas.
Baixo o título 'Compostela’75. Cicatrices e resistencias', os vindeiros 18 e 19 de decembro haberá dous paseos guiados, con prazas limitadas, que retratan a cidade de 1975 nunha sociedade en plena transformación. A derruba do edificio Castromil, o despedimento dos psiquiatras reformistas de Conxo ou o asasinato de Xosé Humberto Baena, que impacta especialmente no ámbito universitario, entre os temas incluídos na iniciativa
O documental que recupera As Movidas, as loitas veciñais de comezos dos 90 en demanda de mellores servizos para a comarca, presentou as súas primeiras imaxes como parte da programación da Foliada. O filme completo proxectarase na localidade o vindeiro 23 de xaneiro. Podes ver o trailer en Praza.gal en exclusiva.
O bravú xa ten a súa novela, un libro con moita música pero que vai máis aló. Un conxunto de historias dun fato de rapaces que dende as marxes -no barrio, na aldea- fixeron o que lles petou, o contrario do que lles dicían que había que facer, que escolleu facer rock e facelo en galego, con toda a vehemencia e a naturalidade da música popular. Falamos con Xurxo Souto sobre A novela do Bravú (Xerais)
Alcaldes populares salientan que foron eles quen pediron que a Xunta lles ceda os permisos de Patrimonio, como está a tramitar de xeito acelerado coa oposición do Consello da Cultura Galega