Cultura

Rapa partía como unha das favoritas da noite, con 18 candidaturas, e foi a obra máis premiada nunha gala en que a cultura tamén berrou alto e claro “Altri Non”no Lalín Arena. A serie dirixida por Jorge Coira e Javier Cámara fíxose con 11 galardóns na noite do audiovisual galego. Entre eles, mellor serie de televisión- por terceiro ano consecutivo-, mellor guión para os tamén creadores da serie Pepe Coira e Fran Araújo e mellor dirección, para Jorge Coira e Javier Cámara.

Isabel Risco volve vestir o traxe de superheroína no espectáculo As Aventuras de Nabiza Girl. O estraño caso da Cultura Minguante, co que está de xira polo país. A Nabiza Girl xa viviu varias vidas fóra dos escenarios, agora regresa ao carón do público para loitar polo seu compromiso coa igualdade e co galego. Este 14 de marzo o espectáculo chega ao Centro Ágora da Coruña, estará en Barbadás o día 28 e en Muros o 5 de abril

O certame celebrará a súa XXII edición entre o 20 e o 24 de maio e quere homenaxear os 30 anos de carreira do cineasta e produtor compostelán. Ademais, haberá premios de honra para a actriz Nerea Barros e a cantante Uxía, habituais do Festival de Cans, e para o veciño Adriano Campos, de 91 anos, fundamental no desenvolvemento desta aldea do Porriño e no propio festival.

O acto terá lugar o 26 de marzo na Facultade de Ciencias da Comunicación da USC, nun programa de cinco horas conducido polas presentadoras do podcast  O Faiado e no que participarán en directo seis centros de ensino, ademais doutros moitos que tamén intervirán na celebración

No soto do CGAC agarda polo público un percorrido polas feridas dos últimos oitenta anos, algunhas cicatrizadas e outras que volven sangrar ao seren lembradas. Mulleres, traballo e memoria é a exposición na que a artista viguesa Mar Caldas reúne obras recentes que marcan o carácter feminista da súa ollada do colectivo ao privado

O festival O Son do Camiño, o escritor Manuel Rivas e o seu Premio Nacional das Letras, a Culturgal, Fillas de Cassandra e o Día das Letras Galegas dedicado a Luísa Villalta son os fitos culturais "máis destacados" de 2024 para as persoas responsables das entidades culturais do país

Residencias, artísticas, espazo museístico, club infantil cultural ou a ansiada nova sala de concertos para Vigo. Todo isto parece que ha ter cabida no novo Teatro Cine Fraga que planea o Goberno galego logo de llo mercar, xunto coa Deputación de Pontevedra, a Abanca.

A festa celebrouse por última vez no ano 1975. Porén as recentes investigacións de José Manuel Dopazo sacaron do esquecemento os festexos tradicionais e contribuíron á súa recuperación, grazas ao impulso do Concello de Bueu e da Asociación de Veciños e Amigos da Illa de Ons