Cultura

Hai unha Galicia que non aparece nas campañas turísticas, tampouco na maior parte da literatura. Unha Galicia que non é bonita, que non é moderna nin cosmopolita, pero que tampouco é o rural idílico que ás veces se conta. Unha Galicia real pero nunca reivindicada nin elevada a símbolo do país. Fran Ferreiro Chao-Abella si que o fai  nos seus artigos de Táboa Redonda, suplemento cultural de El Progreso e, agora, nun libro: Un John Deere envorcado na cuneta (Morgante).

O Consello da Cultura Galega (CCG) e as deputacións da Coruña e de Lugo promoverán e darán visibilidade ás iniciativas culturais que se desenvolven en ámbitos non urbanos a través do proxecto Escola, cultura e territorio. A primeira actividade é o 13 de xullo no Pazo de Tor, en Monforte. 

O pleno da Real Academia Galega escolle a Xosé Neira Vilas (Gres, Vila de Cruces 1928-2015) como a figura homenaxeada no Día das Letras do vindeiro ano. A súa candidatura foi apoiada por unanimidade tras retirarse no propio pleno a de Constantino García. A súa inxente obra, principamente narrativa, falou do rural galego, da infancia e tamén da emigración en títulos como Memorias dun Neno Labrego. En 1949 marchou para a Arxentina e, de aí, coa súa inseparable Anisia Miranda, en 1961 para Cuba, onde a parella permaneceu ata a súa xubilación en 1992, momento do regreso a Galicia. Poucos recoñecementos acadan a unanimidade deste para un autor que, sobre todo, falou "dos ninguén".

A xornada de clausura estivo marcada pola entrega de galardóns nas seccións competitivas, do Premio Especial Curtocircuíto Atlas á cineasta Marie Losier e pola proxección de Fomos ficando sós, a primeira longametraxe do cineasta lucense Adrián Canoura.

Hai unha semana o Deportivo anunciou a "actualización da súa identidade visual", na que destaca o uso de dúas tipografías exclusivas -Faro e Proa- realizadas polo deseñador Rubén Prol, que xa viña realizando as letras dos dorsais do equipo nos últimos anos. Falamos con el sobre o encargo e sobre outras tipografías que realizou. Tamén sobre a importancia de contar con fontes exclusivas e identificativas para unha marca ou entidade.

O Consello da Cultura Galega presenta unha ferramenta que para as respostas bota man do corpus publicado polo intelectual, unhas 14.000 referencias que axudan a compoñer un diálogo sustentado no pensamento real de Otero Pedrayo mantendo ademasi a "verborrea oceánica e o ton conversacional" que o caracterizou.

O Teatro Principal acolleu este martes a inauguración da 23ª edición do festival e a proxección de Despois das cidades, unha reflexión coral arredor de Santiago de Compostela a través de múltiples voces, cartas e postais, construíndo unha mirada sobre a memoria, a paisaxe e as transformacións do espazo urbano. Ata o 5 de xullo unha ampla programación combinará as competicións oficiais Cosmos, Planeta GZ e Supernova con focos dedicados a Lawrence Lek e Gala Hernández López, o premio Atlas á cineasta Marie Losier e concertos audiovisuais.

Unha gala no Teatro Rosalía de Castro conmemora o medio século dunha entidade, con máis de 400 socios e socias e 200 actividades anuais, que pon o foco na defensa da lingua e cultura galegas e da memoria histórica e busca ser "un nodo que conecta a entidades sociais e culturais de Galicia". Raúl Galego, Mercedes Peón, Mofa e Befa ou Eva Veiga actuarán no evento