Os dous sindicatos atenden a demanda da rúa nas grandes manifestacións da fin de semana e anuncian un paro neste outono, coa data aínda por concretar. A CIG, que apoia as mobilizacións pola crise habitacional, prevé aclarar a súa postura este martes.
En outubro de 2023 a central térmica das Pontes apagaba de vez tras case medio século e o país poñía fin á queima de carbón para producir electricidade. Un informe de Galiza sen gas advirte dos múltiples beneficios dun peche que non foi "ningún desastre social nin puxo en perigo a seguridade enerxética" malia algúns agoiros "catastrofistas".
Unha de cada catro familias que viven de alugueiro deben destinar a este pagamento unha porcentaxe dos seus ingresos por riba do máximo recomendable. A porcentaxe medra nos fogares con menor poder adquisitivo.
A achega ao mercado laboral das persoas acollidas ao proceso extraordinario deixou o mellor setembro da historia en España, con 92.300 empregos máis, pero Galicia destruíu máis de 6.500 malia que máis de 15.000 dos migrantes regularizados xa están afiliados á Seguridade Social.
"Non nos atopamos ante unha incidencia de escasa relevancia", di Protección de Datos, que salienta que a empresa non contaba con medidas internas adecuadas que tiveron unha "afectación real dos dereitos" da afectada
O plan do Goberno galego para acoutar as baixas médicas laborais conta co apoio da patronal e UGT pero non de CIG e CCOO
O pasado ano asináronse case 19 mil hipotecas de vivenda en Galicia, un 21% máis que no ano 2024. O tipo de xuro medio, de novo por riba do 3%, está no seu nivel máis alto dende xaneiro de 2025.
Traballadoras do comercio de alimentación volven saír á rúa por un convenio digno e contra o "inmobilismo" da patronal. O presidente de Gadisa envía unha carta a todos os empregados criticando a estratexia sindical, advertindo que o empresariado chegou "ata onde se pode chegar" na negociación e pedindo "defender a liberdade".
Galicia rexistra o segundo nivel de inflación máis alto de todo o Estado, só por detrás de Cantabria (5,1%) e por diante de Castela e León, Madrid e Castela-A Mancha (4,7%) e case un punto por riba de Asturias, Cataluña ou Andalucía. O gran detonante desta nova crise de prezos é o incremento do custo do petróleo, que este martes rolda os 108 dólares por barril, o nivel máis elevado dende maio
