Benito, será mellor que non mires, que a dor de ver o que están facendo coa túa benquerida Casa da Xuventude, sería insoportable. Por comezar por algo, contareiche que desapareceu o bulicio que había nas súas salas. Agora reina o silencio, o vacío máis inmenso, consecuencia da xestión de quen non para de poñer trabas burocráticas, para que ese espazo deixe de ser “A Casa”, o fogar de tod@s @s moz@s ourensáns. Xa non é exemplo de democracia, nin de tolerancia, agora todo ten que pasar polo filtro dunha “censora”, enviada por Feijoo, que impide a celebración de todas aquelas actividades críticas co actual Goberno, e que se afasten dos seus preceptos ideolóxicos. Suprimíronse actividades, e como se de calquera outro edificio administrativo da Xunta se tratase, ubicouse alí, entre outros, un Punto de Encontro Familiar.
Agora reina o silencio, o vacío máis inmenso, consecuencia da xestión de quen non para de poñer trabas burocráticas, para que ese espazo deixe de ser “A Casa”, o fogar de tod@s @s moz@s ourensáns
Isto dende logo non xorde coma “unha idea feliz”, pois o espírito crítico e construtivo da mocidade sempre molestou a aqueles/as que exercen as súas políticas a base de golpes enriba da mesa, aos que pretenden que as novas xeracións sexamos clones das personaxes de “Yo amo a Laura”. Así pois, o seu obxectivo é claro, “matar” a todo o tecido asociativo da mocidade ourensá.
Fano precisamente no momento en que @s moz@s temos unha conciencia máis crítica ca nunca, cando reclamamos máis democracia, e de maior calidade
E fano precisamente no momento en que @s moz@s temos unha conciencia máis crítica ca nunca, cando reclamamos máis democracia, e de maior calidade. Estamos ante xeracións que non soamente participamos en sociedade, senón que queremos facelo máis, sen interpretar o papel de meros espectadores/as que algúns nos adxudicaron.
Conformaremos un exército imparable que defenderá esta fortaleza dos ataques ao teu legado, Benito
Pero esta mocidade ourensá, chea de valores, non está pola labor de consentir que pouco a pouco se desbarate A Casa da Xuventude, para transformala nun edificio baleiro de contido, e de espírito crítico. Conformaremos un exército imparable que defenderá esta fortaleza dos ataques ao teu legado, Benito, e farémolo nunha loita incansable coas armas que ti sempre puxeches ao noso dispor, a ilusión, o traballo, a valentía e a palabra.