A dependencia do Goberno do Estado sempre lle xerou desgrazas á construción naval civil ferrolá. A salvaxe reconversión de Felipe González reduciu os empregados de Astano-Fene de 6500 a uns 1000, mentres priorizaba os estaleiros de Sestao e Puerto Real, a pesar de que Astano era o máis experto e eficiente. Pola súa banda, Aznar pactou sen decoro ningún a prohibición da construción naval civil até 2015 da factoría fenesa para garantir o saneamento da débeda de 1200 millóns de euros de Navantia, xerada entre 1999 e 2004 pola ineficacia andaluza e cartaxenera, xa que Navantia-Fene estaba inactiva na altura .
Esta prohibición impediu a única iniciativa da Xunta (a do vicepresidente Anxo Quintana e do conselleiro Fernando Blanco no 2006) nestes trinta anos para lle dar carga de traballo aos activos ociosos de Navantia-Fene
Esta prohibición impediu a única iniciativa da Xunta (a do vicepresidente Anxo Quintana e do conselleiro Fernando Blanco no 2006) nestes trinta anos para lle dar carga de traballo aos activos ociosos de Navantia-Fene. Impediu que esta puidese construír barcos, a pesar de se tratar dunha actividade na que estaba preparada para concorrer internacionalmente.
A suicida dependencia de Madrid neste eido non leva a ningures. Velaí a boa idea dos promotores da plataforma cidadá ferrolá Rumbo 21: compre segregarmos Navantia-Fene e artellala a xeito de empresa pública galega aberta á entrada de capital privado, no marco da consideración da construción naval como estratéxica para Galicia, que fixou a Lei galega de fomento do sector naval de 2010.
Velaí a boa idea dos promotores da plataforma cidadá ferrolá Rumbo 21: compre segregarmos Navantia-Fene e artellala a xeito de empresa pública galega aberta á entrada de capital privado
Mais esta independización da empresa non garante soa o éxito no relanzamento da construción naval en Ferrol, que require da continuidade da acción cidadá do cadro de persoal de Navantia-Fene e dos axentes sociais de Ferrolterra canda as Administracións Públicas para a construción do dique flotante e a inmediata fixación dun marco xurídico-financeiro (tax-lease) viábel.
Unha nova política portuaria
Compre rendibilizar este investimento no contexto da apertura inminente da Canle de Panamá, porque Galicia é central no transito marítimo entre América e Europa
Os pobres resultados acadados do grandísimo investimento feito no peirao exterior coruñés poñen o foco na falla de eficacia e profesionalidade dos seus dirixentes políticos. Compre rendibilizar este investimento no contexto da apertura inminente da Canle de Panamá, porque Galicia é central no transito marítimo entre América e Europa. Mais precisa asumir a xestión duns portos que España non sabe xestionar e, no caso da Coruña e Ferrol, fusionar a súa administración nunha Autoridade conxunta.