O enigma da esfinxe

A vida social parecía discorrer sobre raís desde hai trinta anos, aínda que con contratempos como unha marea negra que un Goberno pretendía ocultar, unha guerra contra Iraq ou un atentado que o mesmo Goberno pretendía adxudicar a ETA para gañar unhas eleccións, pero a confianza nun futuro predicible acabouse e estamos a vivir a historia. Acabouse o período histórico que abriu España tras a morte de Franco e que se levantou sobre os cimentos da Transición, que resultaron de lama.

Acabouse o período histórico que abriu España tras a morte de Franco e que se levantou sobre os cimentos da Transición

Antes un abría o xornal para saber de "a actualidade", xa non hai diso, agora vivimos sen alento unha agonía da vida social. A dereita golpéanos cunha violencia e un descaro que xa non esperabamos, o frenesí e a concentración de poder no capital financeiro xeraron estas camadas de políticos ultraliberais, xa non necesitan unha dereita paternalista que reparta os restos da riqueza acumulada en poucas mans, agora directamente quedan con todo e os demais que traballen "como chineses"..., para eles.

Nese contexto, cando todo se decide en lugares descoñecidos e segredos, e os gobernos dos estados son meros representantes dun poder alleo, unhas eleccións parecen un mero paripé. E ao peor, sono. Pero teñen a súa importancia na vida das persoas; ou sexa, nós.

Se gaña o PP, ou sexa o Goberno de Rajoy, sentirá confirmado para seguir adiante coa súa política e o mércores pedirá ao fin o rescate que veu aprazando

Nas eleccións galegas non vai ocorrer nada que dirima os dilemas que nos angustian, pero crúzanse moitas cousas. Se gaña o PP, ou sexa o Goberno de Rajoy, sentirá confirmado para seguir adiante coa súa política e o mércores pedirá ao fin o rescate que veu aprazando, con todas as súas consecuencias para nós. Pero se perde, farao igualmente o martes. Se gana, Feijóo subirá puntos no seu partido, pero iso impórtalle a el e non a nós. Se perde, Rajoy verase máis aguilloado polos seus inimigos no partido e Feijóo marchará a Madrid de volta antes dun ano, pero iso impórtalle a eles e non a nós.

Pero se perde o PP, quen gana? Gañamos quen nos vemos asfixiados por unha política antisocial e clasista e os galegos que vemos que ocupa o Goberno galego un proxecto político que nace na rúa Génova

Pero se perde o PP, quen gana? Creo que gañamos quen nos vemos atafegados por unha política antisocial e clasista e os galegos que vemos que ocupa o Goberno galego un proxecto político que nace da sede do PP na rúa Génova e que é absolutamente contrario aos intereses económicos, sociais e culturais que nacen en Galicia. O que ocupe a Xunta só pode ser mellor que o que temos, ou polo menos non tan daniño.

O que ocupe a Xunta só pode ser mellor que o que temos, ou polo menos non tan daniño

E que será o que, nese caso, ocupe a Xunta? Nese caso unha coalición encabezada polo PsdG, aínda que probablemente sufra un retroceso, co BNG e con moita seguridade con AGE, a marca de EU en Galicia que se uniu a un grupo creado ao redor de Xosé Manuel Beiras, até hai poucos meses portavoz do BNG. A xente non é parva e todos vemos a dificultade de encaixar esas pezas, e con iso e co suposto radicalismo do nacionalismo galego asusta Feijóo.

O nacionalismo español no fin de campaña sacudiu cada día a pantasma do nacionalismo catalán e, aquí, tamén o galego, pero creo que o que realmente pode paralizar a un sector do electorado á hora de inclinarse polo cambio non é o medo aos galeguistas senón o temor á inestabilidade e o desgoberno dunha coalición de esquerdas. Está por ver a actitude de AGE nese caso, aínda que EU apostou en Andalucía por un Goberno de coalición, e en Galicia a sociedade sabe que o BNG é un partido moi reivindicativo pero que tamén leva anos coaligado cos socialistas en concellos, deputacións e aínda na Xunta.

A campaña ten consecuencias directas para Galicia, onde Feijóo fixo as políticas de Esperanza Aguirre xa antes de que Rajoy gañase as eleccións, incluído un ataque á lingua galega inédito nos anos de autonomía, pero tamén as ten na política española e é inevitable que, aínda que o PP non o quixese, ademais do debate catalán tamén se coase na campaña o xuízo polos hilillos do Prestige e o rescate financeiro ao reino de España, un rescate que se veu ocultando vergonzante e vergonzosamente.

En Galicia, contra o tópico establecido, sempre houbo máis votos de esquerda que de dereitas

Quen gañará? Non creo que o saiban nin quen teñen as mellores enquisas, é un enigma. En Galicia, contra o tópico establecido, sempre houbo máis votos de esquerda que de dereitas, pero mercé á lei D'Hont a Xunta perdeuse e gañouse pola diferenza dun deputado, poida que por un deputado perda ou gañe o PP pero desta vez pode gañar ou perder por tres ou por catro e seguramente dun Parlamento de tres partidos pasemos a un de catro ou de cinco. En calquera caso, espectáculo e colorido non faltará.

Grazas ás socias e socios editamos un xornal plural

As socias e socios de Praza.gal son esenciais para editarmos cada día un xornal plural. Dende moi pouco a túa achega económica pode axudarnos a soster e ampliar a nosa redacción e, así, a contarmos máis, mellor e sen cancelas.