Sol Álvarez percorreu coa súa cámara as rúas paredes, marquesinas, vallas e túneles de Galicia rexistrando os restos dos cartaces electorais colocados e nunca retirados. Arqueoloxía política con resultados curiosos e artísticos en ocasións.
Cada catro anos somos chamados ás urnas para elixir os nosos representantes. Esta convocatoria publicítase exhaustivamente por todos os medios: anuncios de televisión, radio, coches cunha agresiva megafonía, e, sobre todo, carteis electorais. As rúas énchense de rostros e slogans con mensaxes que poderían intercambiarse. Sorprendente é atopar un destes nalgún lugar apartado, pouco frecuentado. Cada voto conta, por iso á hora de empapelar non se deixa un oco, pero unha vez pasados os comicios eses carteis, noutrora tan importantes van quedando esquecidos, moitas veces perdurando durante anos. Azulados polo sol, rotos, fican baleiros de significado, ou, máis ben, cun signficado totalmente diferente ao orixinal.
A primeira fotografía foi tomada na parroquia de Formarís (Santiago). Xa na campaña para as eleccións municipais promoveuse outro “mitin do rural”, para apoiar a Conde Roa, xa que “o partido aposta polo rural, un ámbito olvidado polo goberno do municipio no que hai todavía núcleos sen servizos básicos”. Nada máis chegar a Raxoi, paralizaron as obras do Polígono industrial de Formarís, e despois dun ano de mandato, o acalde dimitiu pola súa imputación nun caso de fraude fiscal.
O cartel da segunda imaxe leva máis dun ano pendurado en Laraño. Hai constancia de que os veciños da zona denunciaron fai máis de 10 anos o mal estado das vías neste tramo. Hoxe en día, ademais das insignificantes melloras neste sentido, o peche da estación de Casal (xusto ao lado) e o seu recubrimento con provisionais e antiestéticos valados, agora cheos de graffitis, contribuíu a empeorar o estado do lugar.
Podes ver o resto das imaxes e as historias asociadas a elas na fotogalería Un país novo.
Un país novo
-
-
-
un cartel dos Socialistas de Teo xunto a un dos compañeiros habituais da vella publicidade electoral: os carteis das orquestras das festas patronais. -
-
-
-
Unha marquesina na parroquia de Pígara (Vilalba) permanece rota mentras segue a ser ateigada de carteis elección tras elección. Superpóñense incluso carteis do mesmo partido aproveitando o espazo ao máximo. -
Carteis de obras anunciando futuras infraestruturas van quedando repartidos por zonas pouco frecuentadas. Van quedando esquecidos, degradándose co paso dos anos. -
Carteis electorais da campaña de Mariano Rajoy para os comicios das Cortes Xerais nunha porta dun edificio deshabitado no Concello de As Pontes. Nesta vila o Partido Popular conta cun único concelleiro. -
Estas fotografía foi tomada na parroquia de Formarís (Santiago) -
-
-
-
-
Estas fotografías están tomadas nunha ponte que pasa por riba da N-550. Esta vía está aumentando o seu tráfico como alternativa ás peaxes abusivas da AP-9. Aínda así, conta con numerosos puntos negros. -
-
-
Os túneles e os vellos postes eléctricos, tanto de madeira como de cemento, son dous dos lugares onde quedan máis carteis electorais convertidos en mobiliario que pasa desapercibido. -
-
-
-
Un vello cartel anunciando a manifestación independentista do Día da Patria do 2011 convive con carteis de discotecas e de compradores de ouro nunha marquesina nalgún lugar da N-550. -
Varios carteis de diferentes formacións políticas ocupan a parte inferior deste poste eléctrico que invade unha propiedade privada. Esta leira está situada no borde da estrada Carracedo-Catoira. -
Este cartel leva máis dun ano pendurado en Laraño -
En 1998 foi costruído, baixo o mandato do Partido Popular, un encoro en Caldas de Reis que supostamente ía subsanar os problemas de inundacións que sufría esta poboación. En cambio, as consecuencias foron outras. -
Esta fotografía ilustra un vello cartel do PP en Caldas de Reis. O ano pasado saíu á luz que o alcalde está vivindo nunha casa construída sen as licencias pertinentes e sen pagar o IBI que lle corresponde. -
-