Sonia Díaz

Freelance en NóComún, experta en comunicación cultural.

Licenciada en Xornalismo, cursou unha diplomatura en Estudos Culturais no Reino Unido, un doutoramento en Comunicación Audiovisual en Barcelona, un máster en Xestión Cultural en Chile e é asesora ICEX en Internacionalización Empresarial.

Traballa, dende hai máis de dez anos, no deseño e execución de plans de comunicación para proxectos culturais de diversas disciplinas e tamaños. Na actualidade, coordina a comunicación da Academia Galega do Audiovisual, da produtora teatral Eme2, do Carballo Interplay e do Festival SonRías Baixas, entre outros, e traballa como técnica de proxectos para a Asociación Galega de Reporteiros Solidarios (AGARESO).

Aínda que centrada na asesoría estratéxica, tamén colabora esporadicamente como responsable de contidos de proxectos literarios, audiovisuais, fotográficos ou expositivos.