Xosé Paulo Rodríguez

Xosé Paulo Rodríguez (Entrimo 1969). Licenciado en Filoloxía Hispánica pola USC e DEA en Galego – Portugués e Estudos Románicos pola UDC. Ampliou a súa formación como Especialista en Teatro na Escola Superior de Música e Artes do Espectáculo da Universidade do Porto (Portugal) e Posgrao en Xestión Cultural na Universitat Oberta de Catalunya. Varios cursos de especialización, entre outros, Semiótica (UNED).

Na actualidade é director do Teatro Rosalía Castro da Coruña (desde 2011). Foi presidente de La Red Española de Teatros, Auditorios, Circuitos y Festivales de Titularidad Pública (2014-17), director-xerente do Auditorio de Galicia (2006-11), técnico de cultura e director da Aula de Teatro na UDC, e director da Aula de Teatro do Campus de Lugo da USC.

Así mesmo, formou parte do Consejo Estatal de las Artes Escénicas y de la Música, e do seu Comité Ejecutivo (2014-17), e da comisión artística da Rede Galega de Teatros e Auditorios (AGADIC).