Galicia sitúase lixeiramente por debaixo da media do Estado no uso que as súas empresas fan do software libre, pero incrementa as súas cifras notablemente dende 2011 segundo os datos do Observatorio Nacional do Software de Fontes Abertas do CENATIC. Así, en 2012 o 80% das empresas galegas de máis de dez traballadores utilizaba algún tipo de software de código abierto, fronte a unha media no Estado do 82,4%. En 2011 usaban software libre o 75% das empresas galegas (74,9% no conxunto do Estado).

Este incremento débese en boa media a un maior uso dos navegadores web de software libre, utilizados polo 75,1% das empresas con máis de 10 traballadores no ano 2012, pero tamén ao uso de aplicacións ofimáticas (56,8%), de sistemas operativos (32,2%) e doutras aplicacións de uso libre.

Os datos tamén amosan que canto máis grandes son as empresas, máis frecuente é o emprego do softwae libre

Os datos tamén amosan que canto máis grandes son as empresas, máis frecuente é o emprego do softwae libre. Sobre todo no que se refire á utilización de sistemas operativos de código aberto, como Linux, presente no 35% das empresas de 10 a 50 traballadores e no 51% das que teñen máis de 250 empregados. Os navegadores de código aberto son usados por tres de cada catro empresas, sen distinción de tamaño, mentres que as aplicacións ofimáticas coma Open Office son máis frecuentes nas empresas pequenas.