Praza Pública

O Ambition recalará no porto herculino entre as 9.30 da mañá e as oito da tarde. Un cento de persoas con síntomas como diarrea ou vómitos e a morte dun pasaxeiro (por unha crise cardiaca) espertaron as alarmas en Bordeos, pero o problema resultou ser simplemente unha gastroenterite viral.

Chega o Día das Letras. O 17 de maio celébrase dende hai seis décadas a gran festa da cultura galega, este ano protagonizada pola figura de Begoña Caamaño. Os actos principais concéntranse esta fin de semana, sobre todo o domingo, pero tamén o sábado. Velaquí algúns dos máis destacados.

15 días despois de ser interceptada en augas internacionais por militares israelís, partiu de novo dende Marmaris (Turquía) co obxectivo de rachar o bloqueo que sofre a poboación palestina. Na misión viaxan oito activistas de Galicia, coa incorporación dunha sanitaria. A organización chama á sociedade galega a mobilizarse: "se atacan á flotilla, atoparán unha onda de resistencia global"

Un roteiro percorre este sábado as rúas viguesas nas que naceu e medrou a homenaxeada nas Letras ata que a transformación urbanística obrigou a familia a mudarse a Coia, onde a autora viviu a súa mocidade. A actividade da novena edición do proxecto Rutas de Historia, en colaboración co portal historiadegalicia.gal, terá unha duración de tres horas e será guiada por Marcos Calveiro.

A candidata de Nós Universidade impúxose con claridade este venres a Belén Rubio na segunda volta das eleccións ao Reitorado na Uvigo, facéndose cun 56% dos votos ponderados, fronte ao 44% da outra candidata

A Casa de Rosalía acolle este xoves a partir das 20 horas un acto no que participarán Xosé Manuel Beiras, Xosé Luís Axeitos, Chus Pato, Alexandra Cabana, Quique Alvarellos e Anxo Angueira e que rematará cunha actuación musical do Leo de Matamá. Ademais, presentarase a edición facsimilar que vén de publicar Alvarellos editora.

O colectivo galego, de recente creación, traballa pola consolidación dun Estado laico "como ferramenta para garantir a convivencia e a igualdade entre os cidadáns". Este luns 18 organiza un encontro público en Vigo co título de Laicismo e democracia, no que intervirá José Antonio Naz, presidente de Europa Laica.

"Non vai ser un concerto", senón "algo moito máis especial", unha "escoita en comunidade xusto antes de que saia" 'O Cuarto', cuxa xira comeza en outubro no Coliseum da Coruña

Nas últimas semanas o Grupo de Estudos en Arqueoloxía, Antigüidade e Territorio (GEAAT) da Universidade de Vigo levou a cabo unha nova campaña de sondaxes no castro que, unida aos traballos anteriores, permitiu afondar no coñecemento deste xacemento.

A televisión pública promociona un cásting e un programa para "levar unha canción en galego" ao certame mentres RTVE obvia o festival tras retirarse del pola presenza de Israel malia o xenocidio en Gaza e as súas manobras políticas para manipular o televoto. 

A Asociación de Medios en Galego volve xuntar esforzos con PuntoGal e Dinahosting na iniciativa 'Subscríbete ao galego' do 17 ao 31 de maio. Todas as novas socias e socios que se sumen a Praza.gal nestas datas recibirán o agasallo, que se engade a vantaxes habituais como a devolución de ata o 80% da achega anual a través da declaración da renda

Miguel Toval presidente dos editores, alertou de que a pesar de ser un sector cada vez máis premiado e recoñecido este éxito non se ve acompañado por unha mellor posición na sociedade. Nerea Pallares, Andrea Nunes Brións, Cándido Pazó, Alba Rodríguez Saavedra, Érica Esmorís e Rosa Aneiros, entre os gañadores e gañadoras