Praza Pública

A institución lucense lanza a súa estratexia de IA, un modelo público "baseado en código aberto", no que a "supervisión humana segue sendo fundamental" e o galego, "irrenunciable". As aplicacións de MencIA comezarán por "facilitar o labor do persoal" da Deputación con ferramentas como resumidores de documentos, calculadoras de prezos de contratos públicos, monitores de edictos no BOE ou varios chatbots especializados

Pontevedra acolleu a gala de entrega dos XIII Premios Martín Códax da Música, con 15 galardóns a artistas e proxectos por categrorías, un a artista emerxente e tres a salas, festivais e iniciativas de comunicación. Los Suaves recolleron tamén o seu recoñecemento honorífico nunha noite na que a directiva de Músicas ao Vivo subliñou "a necesidade de recoñecer o papel central das músicas e músicos dentro da cultura e da industria do país".

A catedrática de Literatura Galega, que substitúe no cargo a Rosario Álvarez, foi elixida nunha sesión plenaria de carácter extraordinario na que a súa era a única candidatura. É a sétima persoa que ocupa o cargo, tras Ramón Piñeiro, Xosé Filgueira Valverde, Carlos Casares, Alfonso Zulueta de Haz, Ramón Villares e Rosario Álvarez.

Hai dúas semanas dous torques e o brazalete de ouro, de posible orixe castrexa e procedentes dunha colección particular galega, foron vendidos nunha poxa realizada pola casa Ansorena por un total de 210.000 euros

A transferencia debe aprobarse como lei orgánica, o que require nun seguinte paso do voto a favor de 176 dos 350 escanos do Congreso, para o que podería ser necesario o apoio dos populares

O presidente salienta que Altri recorreu contra o arquivo do seu proxecto por carecer de conexión eléctrica "cando quedaban horas para que rematara o prazo" e di que a Xunta actuará "cumprindo a normativa"

“Isto non se pode comparar con nada”. Deste xeito resumiu Julio Médem a singularidade do Festival de Cans. Fixoo no multitudinario coloquio que protagonizou no Torreiro e que congregou a máis de 400 persoas. Foron cinco días intensos de cinema, música, coloquios e actividades paralelas, nunha edición cargada de emocións na que o público respondeu de forma masiva mesmoa pesar das treboadas

PSOE, BNG e Sumar pactan que a lei orgánica que aprobe o Congreso para dar resposta á petición unánime do Parlamento de Galicia deixe as condicións do traspaso en mans da Comisión Mixta Estado-Xunta

Ninguén lles quitou a festa dos fuciños. Tras impoñerse 0-2 ao Valladolid no que que virou final polo ascenso o Deportivo da Coruña xa voa, como o animou a afección nos últimos partidos en Riazor, despois de oito anos que supuxeron a peor época da historia do club

Os membros da Flotilla chegados dende Galicia "atópanse ben de saúde" e acreditan "os numerosos abusos, torturas e violencia extrema" das autoridades israelís contra os activistas. "Para os palestinos que pasan por este sistema legal colonial, non hai funcionarios consulares, nin equipos legais, nin xornalistas esperando no aeroporto" e tampouco "son deportadas despois duns días", resaltan

'A boca do río', Xerais de Novela, trasládanos á Galicia da posguerra e á burguesía que "non se conforma co poder político e económico e tamén quere ser dona da terra, da auga e da memoria". 'A banda da albóndega', Premio Merlín, propón á rapazada unha "combinación dos libros  clásicos de misterio e aventuras cunha mirada fonda e agarimosa á memoria, á amizade e ao poder das historias". 'A lingua dos grifóns', Premio Jules Verne, achega a mocidade a unha "aventura épica que dá un paso máis na fantasía xuvenil galega"

O sindicato decide abandonar o foro contra o "absentismo", no que xa non estaba a CIG, polo "baleirado" do proceso e a "campaña de estigmatización" das persoas traballadoras. Acusa o goberno autonómico de anunciar e impulsar medidas executivas en paralelo e converter o diálogo nun “mero escaparate mediático”.