Praza Pública

A Mostra Internacional celebrará unha nova edición do 21 ao 28 de xullo e abrirase cunha versión do Huis Clos (A porta pechada) de Sartre. Tamén se presentou este martes o Culturgal 2012, que acollerá Pontevedra do 30 de novembro ao 2 de decembro.

A Asociación Animalista Libera e a agrupación Abeiro critican a xestión económica do refuxio compostelán, o recurso continuado á eutanasia de animais sans "por falta de espazo" e afirman que a dúas persoas se lles comunicou que "deixan de ser aceptadas como voluntarias" por realizaren críticas nas redes sociais.

Daniel Landesa creou hai un tempo un certame de microrrelatos no seu blogue. A iniciativa tivo éxito e nela participaron moitos internautas, e entre eles algúns escritores e escritoras recoñecidas, coma Mario Regueira, Rubén Ruibal ou Fran Castiñeira. Ofrecémosvos un breve libro que compendia todos aqueles contos, exemplos dunha cultura cativa e orgullosa de selo, porque "como cultura cativa facemos moito e ben".

O novo proxecto de lei de caza introduce numerosas rebaixas na regulación actual. A actividade cinexética pode representar un recurso sostible de interese para o medio rural, mais o xiro que o goberno quere darlle con esta nova regulación encamiña á sociedade a un conflito constante. Unha análise de Xabier Bruña en Tripando terróns, o blog de Praza sobre o mundo rural

A lingua, o seu uso nos medios de comunicación e o reto das redes centraron o discurso de ingreso de ingreso de Xosé Luís Regueira na Real Academia, titulado Oralidades: reflexións sobre a lingua falada no século XXI e que foi respondido por Manuel González. Descarga os discursos íntegros.

Na páxina, creada polo Instituto Tecnolóxico para o Control do Medio Mariño de Galicia, pódense consultar as condicións oceanográficas e atmosféricas de cada zona concreta do litoral onde se explota o percebe.

Xosé Bocixa elaborou un vídeo que recolle os momentos máis salientables da manifestación que este domingo percorreu as rúas de Compostela, convocada por SOS Sanidade Pública

Alfredo Pardo analiza en Qadriños, o blog de banda deseñada de Praza, o tratamento dado aos personaxes de raza negra nos tebeos ao longo da historia.

O clan do oso das cavernas é a novela que abre a saga das aventuras de Ayla, a muller cromagnon, sendo nena, queda soa no mundo ao perder á súa tribo nun arrepiante terremoto. Por sorte para ela, un grupo de neanderthalenses atópana ás portas da morte e a súa curandeira consigue salvarlle a vida. Así comeza a serie que fixo que millóns de persoas puidesen vivir a Idade de Pedra como nunca antes fora posible. Praza ofrécevos os dous primeiros capítulos.

O Moghreb Atlético de Tetuán (MAT) alzouse co campionato da primeira división de fútbol ao imporse ao FUS de Rabat por 1 gol a 0. É a primeira vez que gaña a liga este equipo, singular por ter xogado na Primeira División española, cando o norte de Marrocos aínda era unha colonia, e por ter un acordo de máxima colaboración co clube do Manzanares. Unha crónica de Correo Diplomático.

Milleiros de persoas participaron este domingo en Compostela na manifestación de SOS Sanidade Pública, que criticou os recortes efectuados polos gobernos galego e español e alertou do risco de privatización. Participaron numerosos representantes políticos, de BNG, PSdeG-PSOE, EU, +G ou EI, entre eles Pachi Vázquez, Francisco Jorquera ou Xosé Manuel Beiras.