Unha parella de xubilados suicídase tras recibir o aviso de desafiuzamento. Os anciáns explicaron nunha carta a súa decisión ante a perda da súa casa, tal e como conta Diario de Mallorca.
Fálase
A chegada de Draghi provoca un apagón de comunicacións no Congreso. Cortouse o wi-fi e utilizáronse inhibidores para evitar que se informase da intervención do presidente do BCE.
Iberia presenta un ERE para máis de 3.800 traballadores. Alegará causas económicas e ofrecerá as indemnizacións mínimas que marca a lei, segundo conta El Diario.
A Plataforma de Afectados pola Hipoteca pide á xente que se concentre ante as sedes do PP se o partido rexeita a ILP sobre a dación en pago. Ada Colau reclámao diante do Congreso. [Vídeo de Gonzalo Cortizo].
Rajoy cualifica a ditadura de Franco tan só como un "réxime autoritario". Utiliza a polémica definición do Diccionario Biográfico Español sobre a represión fascista do franquismo.
Denuncian un novo suicidio por un desafiuzamento. Stop Desahucios atribúe a un desaloxo o suicidio dun home de 56 anos en Basauri, xusto o día que o Congreso debate a ILP sobre a dación en pago.
A Xunta di afrontar "moi tranquila" a visita de eurodeputados ás rías galegas para comprobar o grao de contaminación e o seu saneamento. A conselleira Rosa Quintana destaca o "importante esforzo" do Goberno galego nos últimos anos.
"A reforma laboral xa está deixando ver o seu efecto na economía española", di Mariano Rajoy no foro The Economist, tras advertir que o espírito reformista do Goberno "nin se distrae nin se esgota".
O Deportivo presenta a Fernando Vázquez como novo adestrador. O técnico galego chega "con moita ilusión" e convencido de que "é posible" salvar o equipo do descenso. "Todos xuntos seremos quen de conseguilo", asegura.
Os sindicatos rexeitan a última proposta de Novagalicia Banco para o ERE. Eleva a indemnización a 30 días e rebaixa en 290 os despidos. A entidade responderá este martes á contraproposta sindical.