Miguel Pardo

Case o 80% presentan unha situación de seca segundo a análise interactiva realizada polo investigador do CSIC Dominic Royé, baseada nos datos diarios das estacións de control dos cursos fluviais. 

A proposta de novo Plan Xeral de Normalización pide que se "reforce" o seu papel como "espazos de liderado lingüístico e referentes de exemplaridade social da lingua" e que a súa programación "fomente a autoestima dos galegofalantes" e atraia o interese dos que non o son. O documento pide máis oferta para a mocidade, máis colaboradores que falen galego, menos publicidade en castelán ou máis "supervisión no control da calidade lingüística".

A proposta de novo Plan Xeral de Normalización propón numerosas medidas para recuperar a transmisión interxeracional do idioma, impulsalo e promocionalo entre a rapazada e lograr que a poboación chegada de fóra "o incorpore como lingua de comunicación".

O ministerio público pide exculpar o tractorista dunha adxudicataria do Goberno galego que provocou o lume facendo rozas nunha xornada de risco extremo porque se limitaba a seguir ordes de traballo. Descarta imprudencia grave do operario, o que abre a porta a que se diriman pola vía civil as responsabilidades das administracións. 

O Ministerio paraliza a tramitación do polémico marco laboral estatal aprobado pola patronal, CCOO e Fetico, insta a corrixir varios aspectos e detecta varios artigos contrarios ao Estatuto dos Traballadores. 

Nun acto solemne de recepción oficial, o vicepresidente da multinacional chinesa promete un futuro de "prosperidade" e unha "filosofía de desenvolvemento local" para contar con empresas e persoal galego no seu proxecto industrial en Ferrolterra. 

Este profesor e historiador arxentino, neto de galegos, reconstrúe en 'Raíces na auga' a experiencia migratoria entre Galicia e o Río da Prata a finais do século XIX e comezos do XX a partir dunha fonda investigación das súas orixes familiares nunha parroquia de Abadín. 

O grupo chinés intensifica os contactos empresariais e institucionais e deixa clara a necesidade de respectar o calendario marcado para o seu proxecto en Ferrol e As Pontes. A multinacional amosa a súa inquedanza ante unha posible chegada ao poder de Feijóo e do PP, máis reticentes ao investimento chinés, en contraste co entusiasmo amosado pola Xunta e coa política de colaboración mutua impulsada por Sánchez.

O 'Barómetro da Cultura Galega' advirte que as entidades culturais en Galicia traballan máis aínda que iso non se traduza en máis ingresos polos elevados custos. Máis da metade delas declara non ter solicitado ningunha axuda pública o pasado ano. 

Os eurodeputados Ana Miranda e Nicolás González Casares advirten conxuntamente da ocultación das súas críticas á polémica Directiva de Retorno e aseguran que a televisión pública evitou tamén vinculala ao PP e a Vox ou aclarar que ten a esquerda en contra. Ambos aseguran tamén que lles foi recortada unha entrevista na que se censuraron as súas críticas a este regulamento. 

CIG, CCOO, UGT e USO convocan paros os días 21, 22, 23 e 24 de xuño no comercio da provincia coruñesa por un convenio digno e ante o "inmobilismo" da patronal, á que acusan de querer "perpetuar os baixos salarios e a precariedade". Os sindicatos prevén un seguimento masivo, en especial na xornada previa á celebración, cando hai tamén convocadas manifestacións. 

As patronais española e galega coinciden en demandar medidas contra o "absentismo laboral" na liña das impulsadas polo Goberno galego nos dous últimos meses. A CEOE pide que a Seguridade Social asuma as cotizacións e os salarios nos primeiros 15 días de incapacidade temporal e tamén máis poder para as mutuas, como xa llelo concedeu o Goberno galego.