Miguel Pardo

As persistentes borrascas do inicio deste ano agravan a crise nas rías. "O ano 2023 deixounos na UCI e este ano acábanos de enterrar", advirten. 

O agora presidente do PP negociou e impulsou grandes acordos da Xunta coa multinacional portuguesa e mais coa petroleira mexicana que acabaron fracasando. A fábrica de Palas vén de ser arquivada e a alianza coa empresa azteca, coa que prometera a construción de ata 20 barcos en estaleiros galegos, rematou nun cerco xudicial, sombras sen resolver e con Barreras quebrado.

A Xunta estima ese número de exemplares de porcos bravos no país, unha das áreas de Europa con maior densidade de poboación da especie, a través dun censo baseado nos datos das capturas cinexéticas. 

Un estudo científico conclúe que as xornadas de precipitación extrema vividas no noroeste peninsular nas primeiras semanas deste ano foron case un 30% máis chuviosas que antes de que o planeta se quentase 1,3º. O 11% do incremento na intensidade das choivas que sufriron o país e o norte de Portugal é "directamente atribuíble ás emisións de dióxido de carbono". 

O Consello da Memoria Democrática do Concello acorda comezar o proceso para eliminar as homenaxes a destacados persoeiros franquistas en base ao informe encargado ao Instituto José Cornide, que sinala varios ex-alcaldes ou o que fora presidente do Banco Pastor. 

A futbolista de Redondela virou estrela e capitá do Benfica, grande de Portugal,  país onde leva máis dunha década. Logo de obter a nacionalidade portuguesa e tras superar dúas graves lesións, vén de ser convocada polo combinado luso. 

Un informe da federación de ANPAs detalla a deterioración "progresiva e alarmante" que sofren centros públicos que acollen 22.000 estudantes. O 70% deles teñen pingueiras, máis do 60% problemas na instalación eléctrica e falta de profesorado especialista. A inmensa maioría denuncia ratios elevadas sen reforzos suficientes. 

A ausencia da subestación que daría servizo á factoría da planificación eléctrica do Estado pon punto final á aventura da multinacional portuguesa na Ulloa. Xunta e empresa denuncian a exclusión "política" dun proxecto que chegou a Galicia da man do Goberno galego, a través dunha empresa xa disolvida e cun pacto aínda secreto, e que foi contestado masivamente na rúa. 

Entidades ecoloxistas levan a Fiscalía a polución na lagoa en Sarreaus, tinguida de cor vermella desde decembro por unha cianobacteria "moi perigosa", ante a "inacción e o desleixo" das administracións fronte a un episodio máis de degradación ambiental na comarca, que vén de recibir a condena definitiva á Xunta e ao Estado pola polución das macrogranxas

Nos 44 días deste ano, en só catro non houbo no país ningún aviso meteorolóxico. A chuvia caída supón a cantidade equivalente á necesaria para cubrir o consumo de todos os fogares galegos durante 113 anos. Un muro de Bonaval, última vítima dos temporais. 

A empresa solicita a ampliación outros seis metros máis do depósito de residuos perigosos de Xove logo de que a Xunta autorizase elevar a cota ata os 104 metros en febreiro do pasado ano. 

O conselleiro Gómez Caamaño anuncia dous grupos de traballo para reformar a atención primaria logo de retirar o plan presentado en outono e manter aberto un consello técnico no que centos de profesionais e expertos en 15 comisións técnicas traballaron para unha nova proposta que aínda non se fixo pública.