Miguel Pardo

Aproveita a lei de acompañamento para permitir aos propietarios replantar o 100% da superficie desta especie noutra parcela, algo que só se permitía reducindo ao 75% a repoboación. O Goberno galego confirma unha modificación que intentou hai un ano a través dunha emenda do PP que o partido esquecera tramitar.  

A 'lei de acompañamento' dos Orzamentos cambia a norma que regula o uso das linguas nos centros escolares 17 anos despois tras o pacto entre PP e PSdeG. A lingua deberá ser a mesma en cada bloque (de ciencias ou social) e só se permitirán "intercambios individuais" por materias de cada área en secundaria, pero mantendo o estrito equilibrio entre castelán e galego e mudando o idioma doutras se é necesario para mantelo. 

 Máis dun terzo dos e das estudantes galegas usa ferramentas de IA xerativa cada semana para os traballos de clase, segundo revela o último informe PISA. O auxe destes asistentes é un dos temas que abordamos con este catedrático da UDC e profesor e investigador do CITIC, experto na IA aplicada á ensinanza.  

A Consellería de Política Social vetou os campamentos municipais das axudas, que agora denega tamén aos de empresas privadas por utilizar instalacións públicas de municipios ou de universidades. Ao tempo, familias reciben a subvención por actividades de concellos ao constar na factura o nome da concesionaria que as xestiona.

A Arquidiocese de Santiago, Cáritas e o Colexio Oficial de Arquitectos asinan un acordo para "identificar, estudar, rehabilitar e poñer en uso" antigas vivendas de curas e convertelas en "recursos residenciais para persoas e familias en situación de vulnerabilidade". 

Persoal do comercio de alimentación da Coruña vai tres novos días á folga para reclamar un "convenio digno" e melloras salariais e laborais que palien a súa precariedade ante unhas negociacións bloqueadas. Na provincia de Lugo, un acordo a última hora entre UGT e a patronal desconvoca o paro previsto entre críticas de CCOO e CIG. 

A indignación pola crise de acceso á vivenda provocou un clamor cidadán en demanda de solucións pero tamén dun paro que levaban tempo reclamando os sindicatos de inquilinas. As principais organizacións sindicais de clase (CCOO, UGT e CIG pero tamén LAB, ELA, CGT ou a CUT) atenderon a petición e convocan a sociedade a parar para "acabar coa especulación da vivenda" e ter "salarios dignos".

Case un 40% di tirar semanalmente de ChatGPT, Gemini ou ferramentas semellantes para resumir textos, segundo os datos do informe PISA sobre a intelixencia artificial, un recurso que veu para quedar. "Non se pode prohibir; a clave está na formación, primeiro do profesorado e tamén do alumnado", di Francisco Bellas, investigador do CITIC da UDC. 

PP, PSdeG e Democracia Ourensana dan o visto e prace no Parlamento á actualización do Plan Xeral de Normalización da Lingua Galega, que substitúe o que en 2004 foi aprobado por unanimidade na Cámara. O BNG vota en contra e denuncia o "retroceso" que supón para o idioma. 

Populares e socialistas consuman o seu acordo para a renovación do PXNLG no debate no Parlamento, entre duras críticas do BNG ao "pacto de conveniencia" entre as dúas formacións: "É unha proposta covarde, censurada e tuneada por un pacto de despachos".

A proposta de novo modelo chega logo de que o presentado no outono pasado fora contestado con folgas e protesta polo persoal. O plan ten un orzamento de 320 millóns ata 2030, prevé crear 644 prazas para novos profesionais, limitar a 30 as consultas por axenda médica ou complementos retributivos pola complexidade dos pacientes.

Os dous sindicatos atenden a demanda da rúa nas grandes manifestacións da fin de semana e anuncian un paro neste outono, coa data aínda por concretar. A CIG, que apoia as mobilizacións pola crise habitacional, prevé aclarar a súa postura este martes.