Miguel Pardo

A Confederación Hidrográfica Miño-Sil declara nesta situación por escaseza de auga en todos os concellos galegos da súa demarcación, que se unen aos 32 da conca Galicia-Costa que xa o estaban.

O consumo por persoa no país baixou un chisco o pasado ano pero o gasto no supermercado marcou récord, con máis de 1.970 euros per cápita, segundo o informe anual do Ministerio, que debulla os hábitos alimentarios nas diferentes comunidades autónomas. 

As lapas que sofre o centro peninsular ratifican os avisos que expertos levan lanzando sobre a nova tipoloxía duns fogos avivados polo impacto do cambio climático. As abundantes chuvias do inverno fixeron crecer de xeito exuberante vexetación que, tras a forte calor dos últimos meses, convértese en combustible idóneo para a expansión das chamas. 

A voadura dos catro grandes depósitos remata coa paisaxe icónica da vila pontesa e da central térmica, que funcionou durante máis de medio século e deixou de queimar carbón hai tres anos. Malia as intencións iniciais de derrubalas a un tempo, dúas caeron á hora prevista e as outras, un cuarto de hora máis tarde. 

O xulgado coruñés que ditou a histórica primeira sentenza sobre a recuperación do Pazo formaliza ante o Rexistro da Propiedade de Betanzos a súa inscrición como inmoble público

O relato que lle dedicou Eduardo Galeano en 2008, que conta a mexada que botou ante o pelotón de fusilamento, deitou luz sobre unha figura ata daquela case esquecida e sobre a brutal represión na comarca da Coruña da que foi unha vítima máis. Unha investigación localizou hai dous anos a foxa onde está enterrado no cemiterio de Santo Amaro canda 250 represaliados máis. 

A caída da poboación activa permite reducir a porcentaxe de persoas en desemprego no país, que destruíu máis de 6.000 postos de traballo no segundo trimestre, tras caer a ocupación en todos os sectores agás no dos servizos, pero gañou 6.500 con respecto a hai un ano. 

A asociación que organiza a gran festa de finais de agosto desenvolve decenas de actividades desde esta aldea de Culleredo, un modelo que busca espallar a outras zonas do país. Unha bolsa para residencias artísticas é a última iniciativa dunha entidade que recupera a toponimia, coida o monte ou impulsa 'Mulleres que contan', proxecto audiovisual que implica mulleres de toda Galicia arredor da memoria e dos coidados.

CIG, CCOO ou UGT convocan folga para este 26 de xullo e para o vindeiro 15 de agosto e reclaman "dereito ao descanso e á conciliación". Os sindicatos critican que o Goberno galego permita abrir en dúas datas tan sinaladas e de escasa actividade comercial.

O Congreso deixa sen efecto as mudanzas inseridas polo PP no Senado e aproba de vez a transferencia da Autoestrada do Atlántico nos termos acordados por PSOE, BNG e Sumar. A lei aprobada remite a un pacto entre ambos gobernos os termos concretos do traspaso e mantén que o Estado asumirá "as consecuencias" das súas decisións mentres a autoestrada fose da súa competencia

A contaminación reduciuse considerablemente desde 1990, aínda que de forma insuficiente para acadar os niveis recomendados pola OMS. En 2024 aumentaron un 1,2% as emisións de gases acidificantes, un 6,5% as de gases precursores do ozono e un 19,7% as de partículas finas.

O tribunal acepta a demanda de CUT, CCOO e UGT, aos que a Corporación terá que indemnizar con cadanseus 7.500 euros por establecer "unilateralmente" o protocolo sen abrir a negociación colectiva, vulnerando tamén o dereito á negociación colectiva.