En outubro de 2023 a central térmica das Pontes apagaba de vez tras case medio século e o país poñía fin á queima de carbón para producir electricidade. Un informe de Galiza sen gas advirte dos múltiples beneficios dun peche que non foi "ningún desastre social nin puxo en perigo a seguridade enerxética" malia algúns agoiros "catastrofistas".
A voadura dos catro grandes depósitos remata coa paisaxe icónica da vila pontesa e da central térmica, que funcionou durante máis de medio século e deixou de queimar carbón hai tres anos. Malia as intencións iniciais de derrubalas a un tempo, dúas caeron á hora prevista e as outras, un cuarto de hora máis tarde.
Coventina Renovables, do grupo formado por Tasga e Valtalia, obtén a conexión deste proxecto de bombeo e almacenamento enerxético que prevé un investimento de máis de 400 millóns de euros e a creación de 1.000 empregos durante unha década.
Un informe do Observatorio Galego da Acción Climática sitúa no 17 de marzo o 'Día da Depredación Enerxética', xornada a partir da cal o país tería esgotados os seus recursos enerxéticos propios, a maioría de orixe renovable, para 2025.
No primeiro ano sen xeración eléctrica con carbón, os elevados rexistros das centrais hidráulicas compensaron o descenso da enerxía eólica. Porén, os datos agochan grandes eivas en Galicia, co estancamento da potencia renovable instalada e unha gran dependencia das importacións: o 66% da enerxía que consome procede de fóra e, sobre todo, de fontes contaminantes.
'Galiza, un futuro sen carbón' convértese en 'Galiza sen Gas' tras o "enorme logro climático" que supuxo o peche das centrais térmicas das Pontes e Meirama e advirte que "o atraso na transición enerxética fai que boa parte do oco deixado polo carbón na produción eléctrica sexa ocupado polo gas fósil".
