Miguel Pardo

Unha nova folga impulsada por CIG e UGT volve pechar tendas en toda Galicia. Centos de persoas traballadoras maniféstanse nas sete cidades coincidindo cunha nova xuntanza na mesa de negociación para implantar un marco laboral para todo o Estado que segue sen asinarse. 

Apenas unha ducia de asociacións do terceiro sector galegas inclúense entre as acreditadas polo Goberno de España para emitir o certificado de vulnerabilidade, clave para que milleiros de persoas estranxeiras poidan ser regularizadas. Falamos con varias delas, que axudan ademais no resto de trámites deste histórico proceso. "É un non parar durante todo o día, pero é lóxico, están pelexando por ter dereitos fundamentais", din. 

A Consellería de Educación acorda con CCOO, UGT, ANPE e CSIF a redución do horario lectivo dos docentes, un plan para o alumnado con necesidades especiais e adiantar cinco anos a redución de ratios en ESO e Bacharelato. CIG-Ensino e STEG teñen convocada folga no ensino público o vindeiro 28 de abril. 

O ente fiscalizador reclama á Xunta máis financiamento neste nivel asistencial, sinala o "problema estrutural" que supón o déficit de profesionais, pídelle un "plan estratéxico" para aumentar o persoal e "mellorar a súa estabilidade" e alerta das importantes demoras nas citas. 

O economista, político e escritor faleceu aos 95 anos de idade. Foi vicepresidente no goberno de Albor, deputado por Coalición Galega ou cabeza de lista do BNG ás eleccións europeas. 

Persoal do comercio téxtil e de calzado saíu á rúa nunha xornada de folga contra o convenio estatal para o que a patronal ARTE, CCOO e Fetico xa asinaron un preacordo. CIG e UGT advirten do empeoramento das condicións laborais en Galicia para máis de 35.000 traballadoras e reclaman a vixencia dos convenios provinciais. 

A maioría de centros teñen menos solicitudes que prazas dispoñibles para o primeiro curso de Infantil, unha situación que tamén se dá en moitos privados que, porén, cobren máis facilmente as vacantes. Anpas Galegas pide anular concertos alí onde a oferta pública sexa suficiente e Confapa lembra que foron unha solución "temporal" que se tornou en definitiva. 

O club adaptará o seu nome ao topónimo en galego e oficial da cidade tras a intensa campaña a favor impulsada pola rapazada do proxecto Aquí Tamén Se Fala e logo dunha enquisa aos seus socios e socias, que deron un apoio masivo á mudanza. 

Varias localidades acollen mobilizacións convocadas por SOS Sanidade Pública para denunciar a precaria situación da parte do sistema sanitario "máis próximo" e reivindicar a súa importancia co gallo do Día Internacional da Atención Primaria. 

A Xunta tardou oito meses en dar o visto e prace ao novo Nomenclátor, en vigor dende este sábado, tras avisar a cada un dos municipios nos que houbo mudanzas nas denominacións dalgúns dos seus lugares ou parroquias e despois da protesta dalgunhas administracións locais, malia que menos de dez alegaron

Máquinas expendedoras, sen sistema ningún para comprobar a idade da persoa usuaria, continúan a vender estes produtos malia a entrada en vigor hai un mes da nova lei da Xunta que prohibe o seu consumo entre a rapazada. 

Un informe da administración local advirte do "problema estrutural" de moitos centros, exixe á Administración autonómica unha rehabilitación integral e máis investimento e reabre o debate sobre a asunción de competencias do ensino por parte dos municipios."Destinamos un mínimo de 6,16 millóns de euros anuais de forma directa nunha competencia, a educativa, que non é propia", advirte.