Miguel Pardo

CIG-Ensino, canda a STEG e co apoio da CUT, convoca dúas xornadas de paro os vindeiros martes e mércores, unha cadea humana para rodear San Caetano e manifestacións nas catro capitais provinciais. Baixadas de ratios, mellor atención á diversidade ou un incremento retributivo para o persoal docente, entre as principais reclamacións.

Unha enquisa aos Equipos de Dinamización da Lingua Galega (EDLG) revela que máis da metade cre que a polémica normativa "contribuíu pouco ou nada" á normalización e que os prexuízos cara á lingua mantéñense. A práctica totalidade asegura que o alumnado fala menos ou igual galego que antes. 

O desemprego baixa en 3.500 persoas no terceiro trimestre, no que se crearon 14.000 empregos da man do impulso no sector servizos durante o verán. A taxa de paro sitúase no 8%, cifra que economistas e administracións consideran o limiar do pleno emprego. 

Un informe do Consello da Cultura inclúe unha enquisa aos Equipos de Dinamización da Lingua Galega (EDLG) dos centros de ensino na que case o 40% sinala que o uso da lingua castelá é maior do que marca o proxecto lingüístico. 

Un informe do Consello da Cultura realiza a primeira análise destes organismos públicos, presentes en menos do 20% dos concellos, e mais dos equipos de dinamización da lingua nos centros de ensino tras máis de 30 anos de labor. Uns e outros coinciden no escaso orzamento e na falta de coordinación coas administracións. 

Os resultados da última enquisa de convivencia escolar impulsada pola Xunta revelan que case a metade do estudantado en Galicia entre 10 e 12 anos ten teléfono móbil, que posúen o 90% na ESO e no Bacharelato. 

A publicación do proxecto Caprif-CC inclúe comunidades de montes que suman case 19.000 hectáreas nas catro provincias e explica en detalle as características, actividades e logros de cada unha. 

O Goberno galego culmina o proceso ano e medio despois de se iniciar e destaca o "valor cultural sobranceiro" de doce obras que continúan a sufrir deterioración. 

A proposta da Academia para o cambio na denominación oficial de doce concellos foi aprobada pola Xunta en xullo pero aínda debe ser levada ao Consello para virar en oficial. Académicos explicaron á veciñanza da Cañiza o pasado sábado as razóns do cambio á forma "xenuinamente galega" da 'Caniza', documentada desde a Idade Media e na obra de frei Martín Sarmiento e viva na fala da xente máis vella. 

O escritor e xornalista publica este 20 de outubro 'O país invisible', a historia da emigración en América a través dun lote de historias e personaxes fascinantes. Un relato da epopea que outros grandes pobos migrantes, como italianos ou irlandeses, reivindicaron en filmes e libros pero que os galegos non contaban. Ata agora. "O sentimento de pertenza na Galicia exterior é único, non pasa con ningún país máis", di. 

O Estado cifra o impacto máis aló dos danos forestais e no patrimonio natural dun lume que cada vez ameaza máis vivendas e poboación. Protección Civil cifra en 38 os feridos no que vai de ano e detalla tamén que o 30% dos medios estatais despregados no Estado actuaron en territorio galego.

O alumnado de lingua portuguesa triplicouse en Galicia en oito anos e aumentou un 23% nun só curso, pero segue a ser unha minoría exigua máis dunha década despois da aprobación da Lei Paz Andrade. O estudantado que aprende este idioma só supón o 5% en Secundaria.