O boletín da CIG-Autonómica de marzo lembra o pasado sindicalista de Alberto Núñez Feijoo, delegado de AFICA (Agrupación de Funcionarios Interinos e Contratados Administrativos) e salienta "Acude á folga xeral o 29M, Feijoo tamén iría". Descarga aquí a edición especial do boletín.
Olaia Fernández Davila, deputada do BNG no Congreso, animou hoxe a participar na folga xeral do próximo día 29 “porque temos que parar esta nefasta reforma laboral e as políticas antisociais do PP”
O escritor italiano Antonio Tabucchi morre en Lisboa aos 68 anos. O autor de Afirma Pereira sufría un cancro.
Dispárase a abstención en Andalucía e Asturias. Ás dúas da tarde a participación en Andalucía é do 29,28%, case dez puntos menos que nas eleccións de 2008. Es Asturias, a situación é semellante, ás dúas votara o 26,63% del censo, case oito puntos e medio menos que en maio de 2011.
A dirección de informativos da TVG pediulle a Lorena Pose, presentadora de A Revista fin de semana, que non utilizase a gheada "porque moita xente non se identifica con esa variante e comentáronme que podía ser molesto", segundo declara a xornalista. Máis información en El País
Causa Galiza celebra este domingo o seu Plenario Nacional. Ao longo da tarde teredes información en Praza.
Ás seis da tarde celebraranse concentracións contra o maltrato animal na Coruña, Santiago de Compostela, Vigo, Pontevedra e Ourense, apoiadas pola Asociación Animalista Libera, a plataforma Galicia, Mellor Sen Touradas e o colectivo Mozos pola Abolición.
O guardés Xurxo Chirro foi o vencedor da sección oficial do Play-Doc, Festival Internacional de Documentais de Tui. Carlos Muguiro, presidente do xurado internacional, salientou que en Vikingland: “Queremos premiar unha película que crea profundas reverberacións emocionais entre o protagonista e o cineasta, nun intervalo de 20 anos e nun sorprendente acto de xenerosidade”. Ao longo da mañá poderedes ler unha completa crónica do festival en Praza.
O Breogán derrotou a domicilio 79-86 ao Kne t& Éniac e mantense en postos de play-off. Tamén gañaron o Leyma Basquet Coruña ao Aurteneche (72-48) e o Sousas Ourense 74-80 ao Oviedo. No baloncesto feminino o Celta perdeu 31-64 fronte ao Girona.
En balonmán, derrota o Octavio fronte ao Atlético de Madrid (19-31).
En hockey o Liceo derrotou 6-3 ao Alcoy
No fútbol-sala, o Lobelle levou o derbi galego 4-5 fronte ao Azkar
Convergència incorpora o obxectivo de acadar un Estado propio á súa ponencia política despois dun intenso debate no que as bases do partido impuxeron o seu criterio e aprobaron a opción por un 71% dos votos.
