Marcos Pérez Pena

A estatística experimental do INE, grazas aos datos de posicionamento cedidos polas compañías telefónicas, permite coñecer o número de persoas que visitaron un determinado concello en cada mes. 

A xustiza restaurativa é un espazo de escoita para as vítimas dun delito que busca abordar os danos que este lles provocou e reparalos. A xuíza Carme Guil Roman é presidenta do Grupo Europeo de Maxistrados pola Mediación e promove a incorporación desta metodoloxía a máis procesos. Este xoves ofreceu no Museo do Pobo Galego, convidada por Andaina Mulleres, unha conferencia sobre xustiza restaurativa nos casos de violencia sexual.

A Fundación Galiza Sempre publica o texto en formato facsímile, a súa tradución e un limiar de Pilar G. Negro nunha edición que repartirá de balde este domingo ás persoas asistentes á manifestación de Queremos Galego. No artigo, publicado en 1858 en El Album de El Miño, Rosalía -que tiña só 21 anos- reclama a súa liberdade como creadora e tamén como persoa, reivindicando a liberdade das mulleres ante a presión social que as culpabiliza.

Este venres celébrase o Día da Lingua Materna. O galego fálase cada vez menos na casa, pero as cifras de uso por parte da infancia descenden aínda máis cando entran na escola. Apenas o 17,7% da rapazada de 5 a 14 anos di falar máis en galego cos seus compañeiros e compañeiras e nas cidades a porcentaxe non chega ao 5%.

 Marco Calabria, profesor da Universitat Oberta de Catalunya (UOC), vén de iniciar un proxecto que afonda en investigacións anteriores sobre o efecto protector que ante o deterioro cognitivo ten falar activamente dúas linguas. Porén, dado que "existen moitas formas de ser bilingüe", non está claro aínda "cal destas variables representa unha vantaxe á hora de previr ou atrasar os síntomas"

A ordenanza coruñesa deixa aberta á declaración de zonas saturadas de vivendas de uso turístico, o que permitirá impedir a implantación de máis nos distritos con máis de 0,5  por cada 100 habitantes. As sete cidades contan con cando menos un distrito por riba dese limiar, especialmente nos barrios máis céntricos. Nas urbes galegas hai máis de 4 pisos turísticos por cada vivenda dispoñible para alugueiro estable.

Galiza Sen Gas denuncia que no que levamos de século "en Galicia aumentou máis o uso de gas fósil que o de todas as enerxías renovábeis xuntas" e advirte de que este uso crecente está a atrasar a transición enerxética no país. A entidade lembra que para cumprir o Acordo de París, Galicia debe deixar de usar gas fósil antes de 2035.

A poboación en risco de pobreza (con ingresos inferiores ao 60% da mediana) pasou do 19,4% ao 14,2% nun ano en Galicia e tamén se reduciu a porcentaxe de persoas en risco de pobreza ou exclusión social, que caeu dende o 25,5% ao 18,8%. Tan só País Vasco, Baleares e Navarra presentan mellores indicadores. Galicia é a comunidade autónoma con menos diferenzas entre os ingresos da parte máis rica e a máis pobre da sociedade

É Galicia máis insegura que hai uns anos? Cométense máis delitos? A resposta é non, á vista das estatísticas oficiais do Ministerio do Interior, que semellan desmontar as alarmas e críticas públicas lanzadas en moitos lugares por determinados partidos e medios de comunicación

Varias organizacións de cooperación ao desenvolvemento galegas traballan en Palestina. É o caso de Médicos do Mundo, Asemblea de Cooperación pola Paz, Movemento pola Paz e ONG Rescate Internacional. Falamos con elas para coñecer de primeira man o traballo que veñen realizando, o efecto que tivo para elas -e sobre todo para as entidades locais coas que colaboran- a invasión israelí e a maneira en que están tentando recompoñer a actividade despois do acordo de alto o fogo.

Belén Fernández Suárez e Carlos Diz, do grupo de Investigación Sociedades en Movemento-ESOMI, da UDC, coordinan o libro No nos vamos, nos echan. Las luchas contra la precariedad de la nueva diáspora española, unha obra colectiva que afonda na realidade da mocidade emigrante e do activismo que levou a cabo nos últimos anos en defensa dos dereitos sociais.

PP e BNG votaron en contra do proxecto de contas para 2025 presentado polo Goberno local. No caso de que este martes 11 a alcaldesa non acade máis votos favorables que negativos, abriríase un prazo dun mes para que dende a oposición se formulase unha moción de censura "con candidato alternativo". De non facelo, a rexedora continuaría no cargo e os orzamentos quedarían automaticamente aprobados