Marcos Pérez Pena

A portavoz nacional do BNG, Ana Pontón, sinalou que o envío do texto ao TXUE para que este decida se é compatible cos tratados da Unión, é "unha oportunidade de negociación e de presión para desbotalo definitivamente". Pide ao presidente da Xunta que esixa aos deputados galegos do PP que se posicionen contra o pacto comercial.

A empresa de Palas de Rei, que produce fariñas e graxas a partir de larvas de mosca soldado negra, lidera un proxecto da UE cun orzamento de máis de 3,6 millóns de euros para acadar un sistema intelixente que optimice a cría do insecto. Hai tres anos a compañía puxo en marcha a súa fábrica na Ulloa cun investimento de 22 millóns de euros, que hai uns meses incrementou en 100 millóns máis. 

A cámara aprobou nunha axustada votación remitir ao Tribunal de Xustiza da UE o acordo comercial con Mercosur para que este decida se é compatible cos tratados da Unión, un proceso que podería levar varios meses. Os grupos da Esquerda e Verdes-ALE (entre eles a eurodeputada do BNG Ana Miranda) votaron a favor, o mesmo que a extrema-dereita. PP e PSOE votaron en contra.

Durante o ano 2024 o número de prazas en residencias de maiores incrementouse en case tres mil, pasando de 22.096 a 25.017, segundo os datos da Asociación de Directoras e Xerentes de Servizos Sociais. Porén, os datos galegos seguen lonxe das recomendacións da OMS, son peores que a media do Estado e sitúanse moi lonxe das autonomías cunha maior dotación de prazas.

O 22 de xaneiro de 1963 Xosé Esperante, Che de Pedro, foi asasinado durante un enfrontamento coa Garda Civil no contexto da defensa das terras comunitarias por parte da veciñanza. Dende o 2022 Mazaricos acolle esta celebración na súa memoria. En outubro o Goberno do Estado recoñeceuno oficialmente como vítima da ditadura e fixo entrega á súa familia dunha declaración de reparación persoal.

António José Seguro (PS) concentrou o voto progresista para superar o 30% dos votos (31,1%) e o ultradereitista André Ventura rachou unha vez máis o teito electoral de Chega para atinxir o 23,8% dos sufraxios. Non haberá un chamamento unánime do resto de candidatos e forzas políticas para evitar que unha vitoria da ultradereita. Luís Marques Mendes (PSD), João Cotrim Figueiredo (IL), Henrique Gouveia e Melo e o primeiro ministro Luís Montenegro rexeitaron pedir o voto para Seguro.

Falamos con Noelia Rodríguez (Agromuralla) e Brais Álvarez (SLG) sobre as mobilizacións que están levando a cabo estas e outras organizacións contra o tratado de libre comercio que eliminará barreiras e controis. O pacto asínase este sábado en Paraguai pero aínda debe ser ratificado no Parlamento europeo e nas cámaras dos distintos países implicados, un proceso no que gandeiros e labregos queren facer presión.

En 2025 Galicia xerou, sobre todo, menos electricidade a través das súas centrais hidroeléctricas e tamén sufriu unha lixeira redución na produción dos parques eólicos, que rexistraron o peor dato dende o 2018. En cambio, aumentou a xeración nas centrais de ciclo combinado, que queiman gas fósil. Dende o 2019 a instalación de potencia renovable está estancada e Galicia pasou de ser a segunda a ser a sexta comunidade autónoma.

André Ventura (Chega), António José Seguro (PS) e João Cotrim Figueiredo (IL) aparecen destacados nas sondaxes para as eleccións deste domingo, aínda que Luís Marques Mendes (PSD) e o militar independente Henrique Gouveia e Melo teñen tamén opcións de pasara á segunda rolda, que se celebrará por primeira vez dende 1986.

Este mércores a Fundación de Estudios de Economía Aplicada (Fedea) publicou unha análise detallada dos efectos da reforma do financiamento proposta polo Goberno do Estado. Galicia tería 89 euros máis por habitante, un avance moi por debaixo do aumento medio (+341) e moito máis lonxe das subas experimentadas polas seis comunidades autónomas máis favorecidas polos cambios.

Ducias de produtores denunciaron este luns os posibles efectos negativos do tratado de libre comercio, en mobilizacións convocadas polo Sindicato Labrego Galego e entidades ecoloxistas, Agromuralla e a asociación Gandeiros Galegos da Suprema. Alertan da entrada sen control de produtos cárnicos e agrícolas procedentes de América do Sur.

Dende agosto, cando comeza a aplicarse a zona residencial tensionada, os prezos medios dos alugueiros na Coruña están a descender lixeiramente. Un posible efecto da medida impulsada polo Goberno local da cidade que contrasta coa evolución seguida no resto de urbes, nas que os prezos dos alugueiros continúan a medrar: entre 7 e 20 euros máis nos últimos cinco meses.