Marcos Pérez Pena

O proxecto Mulleres da Reconversión, impulsado pola Deputación da Coruña, busca homenaxear as mulleres que viviron en primeira persoa o proceso de reconversión industrial, poñendo en valor o seu papel, moitas veces silenciado, nun momento clave da historia social e económica do concello de Fene. Este venres presentouse o documental realizado por Iago Varela e a exposición que recolle os testemuños recollidos

Hai que celebrar o 8 de marzo, pero que pasa os outros 364 días do ano? Falamos con Patricia Porto (Lila de Lilith), Lucía Rodríguez (Agareso), Ximena González (Marcha Mundial das Mulleres) e Fedra, Majo e Ana, da cooperativa viguesa Amorada sobre a maneira de avanzar no feminismo no traballo do día a día.

A segunda longametraxe do lucense Jorge Coira celebrou o seu 15 aniversario coa súa edición en Blu-ray e un pase especial en NUMAX. O filme coral destacou pola maneira en que foi construído, cun gran peso da improvisación a cargo dos seus actores e actrices en cada escena e, posteriormente, por un complexo traballo de montaxe. "Foi unha película moi especial", destaca Coira.

Os prezos da vivenda de segunda man (a máis habitual nas transaccións de compra-venda) superan por primeira vez o nivel máximo que se rexistrara a finais de 2007. O 2025 marca tamén un récord no ritmo de encarecemento; o pasado ano o prezo da vivenda usada subiu un 13,3% en Galicia, superando o anterior máximo (+9,7% en 2007).

A porcentaxe de alumnado que cursa a materia confesional en Primaria descendeu abruptamente dende o inicio deste século e sitúase xa por debaixo da media do Estado. En ESO e Bacharelato a redución é máis lenta. Hai grandes diferenzas entre os centros públicos, nos que houbo un cambio maior, e os privados, nos que a a Relixión mantén máis forza.

Os ataques estadounidenses e israelís contra Irán chegan ao seu sexto día, con máis dun milleiro de mortes e unha escalada que afecta a varios países e que ameaza con provocar unha crise enerxéctica e económica global. Falamos con Susana Mangana Porteiro, investigadora e docente na Universidade Deusto de Bilbao. Criada en Arrasate (Guipúscoa) pero de ascendencia galega, Mangana colabora co Instituto Galego de Análise e Documentación Internacional (IGADI).

O 12 de marzo de 1986 España aprobou en referendo permanecer na OTAN, nunha consulta que rexistrou unha elevada abstención e na que o si se impuxo por 13 puntos. En Galicia a diferenza foi máis ampla (vinte puntos) pero coa participación máis baixa do Estado (38%), de xeito que só 1 de cada 5 votantes apoiou a proposta. Consulta no interior o resultado en cada concello

Cada semana os asalariados e asalariadas galegas traballan máis de 122 mil horas fóra do seu horario laboral -horas extra- polas que non reciben remuneración. Esta situación afecta ao 2,2% das persoas traballadoras en Galicia (unhas 21.000), que de media realizan 5,8 horas extra non pagadas cada semana. Son os datos dun informe que denuncia esta "situación de explotación laboral persistente e estrutural".

A vivenda está a virar no principal factor de desigualdade económica. Para moitas persoas (nomeadamente para as novas xeracións) resulta cada vez máis difícil acceder a un inmoble en propiedade e só a transmisión interxeracional as converten en propietarios. Pero esta transmisión interxeracional non necesariamente implica unha redución das desigualdades, senón que as amplifica: non todo o mundo herda e hai quen herda unha vivenda e hai que herda varias e, ademais, de moito maior valor

Antón Baamonde vén de publicar Agora non é antes. Ideas para unha revolución tranquila (Galaxia), un ensaio que busca "combater os clixés" aínda existentes sobre Galicia, "transformar o modo en que nos imaxinamos" e "abandonar as retóricas da pasividade" que levan ao derrotismo. Lembra que hai tempo que non é un país atrasado nin rural e chama a confomrar un proxecto de país en positivo, un horizonte desexable e realista.

Un dos documentos desclasificados este mércores, manuscrito e atribuído ao CESID, sitúa o político de Vilalba en dúas conspiracións en marcha que en 1981 buscaban sacar a Suárez do poder por vías non democráticas. Nos textos tamén se detalla o coñecido incidente que protagonizou ás nove da mañá do 24 de febreiro, no que puxo en perigo ao resto de deputados.

O Goberno de España publicou este mércores ao mediodía a documentación desclasificada sobre o intento de Golpe de Estado do 23F. Varios informes policiais, realizados pola Jefatura Superior de Policía da Coruña, detallan a resposta que o Golpe de Estado tivo nas rúas galegas, principalmente a cargo de sindicatos, forzas políticas de esquerda e grupos estudantís.