Marcos Pérez Pena

O Instituto das Mulleres vén de publicar a guía EDUGENIA para concienciar nas aulas dos nesgos que provocan estas ferramentas cada vez máis empregadas no ensino. "O uso non controlado da IA pode carrexar consecuencias nefastas. Por iso, é imprescindible que estudantes e profesores teñan un coñecemento crítico e informado", destaca unha das coordinadoras da publicación.

Esta semana, do 16 ao 22 de setembro, celébrase a Semana Europea da Mobilidade. Case 7 de cada 10 persoas (o 69,5%) adoitan empregar vehículos privados (coche ou moto) para acudir ao seu posto de traballo. Son case tres puntos máis que no ano 2015, pero o aumento localízase nos concellos de menor tamaño, mentres que en cidades e grandes vilas descende o uso do coche, moito maior entre os homes e en descenso entre os menores de 45 anos.

A tanxugueira Aida Tarrío e Raül Refree, Gala i Ovidio, presentan dúas novas cancións, que dan continuidade ao seu primeiro álbum, Un final que parece un principio, que presentaron en directo en existosos concertos en Galicia e no resto do Estado. Falamos con eles sobre a continuidade do proxecto, as posibilidades da tradición musical e do papel de Rosalía como referencia.

Un cento de persoas participaron este domingo en Ribadumia na concentración convocada na praia fluvial de Cabanelas, no río Umia, para protestar contra a represa construída no lugar. As entidades convocantes denuncian que a represa foi construída para abastecer de auga aos usos turísticos da Illa da Toxa.

Manuel Díaz González foi alcalde do Incio e deputado provincial e foi alcumado así por non cobrar ás persoas necesitadas pola súa atención sanitaria. O 11 de setembro de 1936 foi detido polos falanxistas e executado. Bóveda, O Incio e Lugo acolleron unha serie de actos de homenaxe coincidindo co 90 aniversario do seu asasinato.

Galicia rexistra o segundo nivel de inflación máis alto de todo o Estado, só por detrás de Cantabria (5,1%) e por diante de Castela e León, Madrid e Castela-A Mancha (4,7%) e case un punto por riba de Asturias, Cataluña ou Andalucía. O gran detonante desta nova crise de prezos é o incremento do custo do petróleo, que este martes rolda os 108 dólares por barril, o nivel máis elevado dende maio 

De momento a base de datos inclúe unicamente 638 vivendas en todo o territorio español, das que 96 de atopan en Galicia, sobre todo en Carral e Ribeira e tamén en Ares, Arteixo, Boiro, Cedeira, Lugo e Malpica. Trátase de vivendas que se ofrecen en alugueiro de longa duración, con prezos por debaixo do custo medio do mercado actual. 

Santiago acolle este sábado O Encontro, un evento no que se mesturan espazos de debate, música e obradoiros e que dá visibilidade a un proxecto que nos últimos meses están a poñer en marcha asociacións xuvenís co impulso do Consejo de la Juventud de España (CJE) e o Comisionado para a Celebración dos 50 anos de España en liberdade. Falamos con Adrián Macías e Beatriz Real, dous dos seus participantes, que reclaman espazos para que se escoite a voz da mocidade.

Entre xaneiro e agosto as matriculacións de enchufables foron o 30% do total, mentres que as de vehículos de gasolina foron o 18% e as de diésel o 3%. Tan só as matriculacións de eléctricos puros (3.741) practicamente igualan as de vehículos de gasolina (3.797). No que levamos de ano as vendas de eléctricos puros están a aumentar o 89% en relación ao mesmo período do pasado ano.

Eurostat mantén unha estatística de necesidades de calefacción e refrixeración nas vivendas de cada unha das rexións da UE. Nos últimos anos en Galicia baixou levemente o número de días nos que se necesita quentar a casa, pero duplicáronse as xornadas nas que cómpre arrefriala. En 2021, só o 6,5% das vivendas principais en Galicia contaba con algún sistema de refrixeración, fronte a unha media do 49,6% no conxunto de España.

O pagamento medio aos propietarios dos terreos en Galicia representa aproximadamente o 2% dos ingresos brutos do promotor cando o habitual noutros territorios é o 4%, detalla o Observatorio Eólico nunha análise coa que buscan mellorar a posición negociadora das comunidades rurais. En case 9 de cada 10 casos o promotor paga o propietario "un importe que equivale o 15% do máximo que estaría disposto a pagar antes de que o proxecto deixe de ser rendible", explica a entidade.

Este domingo partiu do Porto do Xufre o Agitator, o veleiro na que o médico australiano Matthew Wright levará a cabo unha volta ao mundo en solitario e sen escalas durante os vindeiros oito meses, unha aventura que ata agora só completaron 180 persoas en todo o planeta. No casco do barco pódese ler “Dende a Illa de Arousa”, no costado de estribor, e “Ata a Illa de Arousa”, no de babor.