Marcos Pérez Pena

A pesar dos intentos da Consellaría por reconducir o programa de "educación dixital" coa recuperación dos libros de texto, o número de centros participantes volve descender. A iniciativa leva anos sendo cuestionada dende a comunidade educativa, alertando familias, docentes e expertos sobre as súas eivas e efectos prexudiciais no ensino.

Un grupo de investigadores está a levar a cabo un proxecto que busca "recompilar os datos completos e sistemáticos a nivel municipal" das tres convocatorias electorais da Segunda República. Veñen de presentar os de 1936 para todas as provincias do Estado, nas que só falta algunha, coma a de Pontevedra. Os comicios deron como resultado unha maioría de esquerdas en Galicia, pero a dereita impúxose en máis da metade dos concellso con datos.

O 57% dos turismos matriculados en Galicia teñen xa máis de 15 anos, unha porcentaxe de que non deixou de medrar nos últimos anos e que en 2015 era tan só do 35%. O número de coches rexistrados no país non deixa de medrar, pero baixa nas sete cidades: 7.500 turismos menos dende o 2021.

A Fundación Trébol e IGAXES alertan nun informe de "disfuncións estruturais que teñen que ver coa fragmentación institucional, coa falta de estabilidade, coa carga burocrática excesiva e cunha concepción restritiva do que se entende por éxito educativo"

O sector marisqueiro galego arrastra unha importante crise dende hai anos. Especialmente significativo -polo seu peso económico- é o devalo do mexillón das bateas galegas: 2025 marcou un novo récord negativo nas últimas dúas décadas. O mesmo sucedeu coa ameixa, a volandeira ou a ostra plana, entre outros bivalvos. A contaminación e os efectos do cambio climático, entre as causas.

O ano 2025, do que xa coñeciamos que volvera superar o máximo histórico de denuncias por violencia de xénero en Galicia (8.100, un 6,5% máis que o ano anterior), bateu tamén o récord de condenas por violencia de xénero, un total de 1.892, un 18% máis que no ano 2024. Ao redor do 56% das vítimas (e dos denunciados) ten entre 25 e 44 anos; preto do 10% son máis novas e novos e un 30% é maior, entre 45 e 64 anos.

En 2024 tan só a cuarta parte da enerxía transformada ou consumida en Galicia foi de orixe renovable, sen melloras nos últimos anos ante o estancamento das fontes renovables, especialmente a eólica. Greenpeace e OGACLI reclaman unha aposta clara polo abandono dos combustibles fósiles e polo aumento da electrificación para "mitigar a crise climática, reducir a contaminación, asegurar a autonomía enerxética e garantir a prosperidade socioeconómica"

Os buques foron interceptados a medio camiño de Italia e de Grecia por lanchas militares rápidas e "forzas que se identificaron como israelís". A cifra provisional eleva a 21 o número de buques "interceptados" e sinálase que 30 persoas con pasaporte español foron "secuestradas por Israel". Cando menos sete galegas e galegos participan na Flotilla.

No ano 2025 o 22,8% da poboación empadroada nas sete cidades galegas levaba menos de 10 anos residindo nelas e, polo tanto, ficaría excluída do acceso a determinados recursos públicos de ámbito muncipal, de acordo ao criterio de arraigo esgrimido por VOX e PP.

O 7,4% da poboación galega, unhas 175 mil persoas, buscou "activamente" vivenda durante o pasado ano sen chegar a cambiar de residencia. O principal motivo (o 71%) foi o seu elevado prezo. Galicia é a segunda autonomía na que o prezo elevado foi máis determinante á hora de impedir estes cambios de residencia, só por detrás de Baleares (76%)

Nos últimos meses están a reproducirse en varias comarcas mobilizacións sociais contrarias a instalación de plantas de biogás. De Curtis á Laracha, de Abadín a Agolada pasando por Xunqueira de Ambía, Mazaricos ou Lugo. Estas plantas poden contribuír á xestión de residuos, sobre todo cando son de pequeno tamaño. Porén, as críticas veciñais e ecoloxistas alertan do impacto negativo de cheiros, gases contaminantes, afección a terras de cultivo e acuíferos e do aumento do tráfico pesado.

En 1997 o Furia AC de Valga aliñou no seu equipo cadete a Diana Rey Martínez, Rebeca Viñas Arning e Rosa Pardal Aragunde. Esta decisión forzou meses despois ao Comité Galego de Disciplina Deportiva a recoñecer o seu dereito e o de calquera cativa a xogar no fútbol federado. O BNG propuxo no pleno municipal poñerlle os seus nomes ás instalacións deportivas de Campaña, pero a iniciativa foi rexeitada polo PP.