Marcos Pérez Pena

A moratoria a novas plantacións de eucalipto remata en decembro de 2025. A organización ecoloxista, que lembra que a superficie ocupada pola especie invasora seguiu a incrementarse en 2023, reclama estender a medida, alertando de que as pragas que están a afectar ás coníferas poden levar a unha "substitución masiva" de piñeiros por eucaliptos

O documento confirma que o concello cumpre en todo o seu territorio dous dos criterios para solicitar a declaración, que busca regular o prezo do alugueiro. Entre 2018 e 2023 o prezo de arrendamento da vivenda aumentou en máis de 50% en varios barrios da capital de Galicia

Investigadores da USC analizaron máis de cen mil incendios producidos no Estado español e California para concluír que os lumes se inician cada vez máis próximos a áreas habitadas. Estes incendios de interface, nos que se mesturan espazos forestais e núcleos de poboación, ademais de provocar maiores danos humanos e materiais, son máis difíciles de combater, o que obriga a reprensar os dispositivos de extinción

A finais de 2024 había nas catro provincias 1.710 puntos de recarga de acceso público, cun aumento importante pero insuficiente, que deixa o noso país como o quinto territorio do Estado cunha peor infraestrutura. O pasado ano vendéronse en Galicia 3.548 coches electrificados (eléctricos puros e híbridos enchufables), un 11% máis que o ano anterior.

A partir do 3 de abril quen queira instalar un piso turístico nunha vivenda dun edificio comunitario deberá contar co voto favorable do 60% dos propietarios. Tamén se necesitará unha maioría de tres quintos para prohibir as actividades turísticas, aínda que esta decisión non poderá ter efectos retroactivos e os pisos turísticos legalmente rexistrados antes de abril poderán seguir operando se cumpren coa normativa e as limitacións aplicadas en cada concello

A compañía con sede en Foz, dedicada á venda de peixe e marisco a grandes mercados e cadeas de supermercados, entrou nos últimos anos nun rápido devalo que a leva á solicitude dun concurso voluntario de acredores. A Mariña encamíñase a un novo capítulo da súa crise industrial, despois dos casos recentes de Vestas, Albo ou a propia Alcoa

Na última década a porcentaxe de alumnado que cursa Relixión en Primaria pasou do 81% ao 55%; en cambio, en ESO e Bacharelato mantense estable e mesmo se incrementa. Os centros públicos e privados puros rexistran o maior rexeitamento á materia en Primaria e ESO, fronte á escolla maioritaria da Relixión nos centros privados-concertados.

A figura, recollida na Lei de Memoria Democrática de 2022, obriga ás administracións "a asegurar a súa perdurabilidade, identificación, explicación e sinalización axeitada" e a promover a investigación e difusión da súa historia. A Iniciativa Galega pola Memoria, que realizou a solicitude o pasado mes de xullo, celebra a nova pero lamenta non ter recibido comunicación ningunha e coñecer o feito a través da prensa

Pedímoslle á presidenta de ALAS A Coruña, Ana G. Fernández, unha valoración sobre o ditame do xuízo polo asasinato de Samuel Luiz. A voceira da entidade que exerceu a acusación popular pide "reflexionar como sociedade que está a fallar para que xente tan nova exerza unha violencia como esta contra unha persoa".

Na derradeira semana de decembro os casos detectados polo Sergas aumentaron un 21%, o mesmo que a venda de medicamentos asociados nas farmacias, que enviarán semanalmente datos sobre a demanda de antigripais para actuar como sentinelas da enfermidade. A partir do 15 de xaneiro espérase que aumente a intensidade da onda de gripe.

En Galicia funcionan xa máis de 26 mil establecementos deste tipo inscritos no rexistro da Xunta, que se duplicaron nos últimos tres anos. A Coruña ultima unha ordenanza e Vigo busca coutar a expansión a través do PXOM. Outras localidades preparan subas de impostos a estes negocios.

En 2007 o perfil máis habitual das persoas en risco de pobreza era o dun home ou muller de máis de 65 anos. Dende hai anos a situación é a inversa e a terceira idade é que sofre menos pobreza, que afecta sobre todo a infancia e mocidade. No ano 2023, no entanto, os indicadores de pobreza melloraron para todos os colectivos