Marcos Pérez Pena

563.303 galegos e galegas viven de forma permanente no estranxeiro, unha cifra en ascenso acelerado nos últimos anos grazas á Lei de Netos, pois 2026 marcou un récord nas novas inscricións. Tan só o 23% destre padrón exterior naceu en Galicia, unha porcentaxe en descenso e que corresponde, sobre todo, a persoas de idade avanzada.

Dende o 28 de febreiro o litro de gasóleo agrícola encareceuse un 32%, máis aínda que o do Gasóleo A ou a Gasolina 95. Produtores agrícolas e gandeiros, o mesmo que os sindicatos do sector, veñen alertando destas subas, que cualifican de "especulativas" e esixen das distintas administracións medidas que axuden a paliar a suba dos seus custos de produción

En 2025 EUA foi o principal país de procedencia dos gaseiros que descargaron en Mugardos (14), máis do dobre que o ano anterior. O segundo país foi Rusia (11), unha cifra considerable tendo en conta as sancións internacionais e as ameazas da UE de prohibir a adquisición de produtos enerxéticos dende aquel país. O aumento das compras de gas a Washington chegan nun contexto de presións de Trump para que Europa aumente as súas importacións.

Os populares votan en conta da proposta de Fernando de Abel Vilela como adxunto á Valedora do Pobo, rompendo así o tradicional acordo polo que o principal partido da oposición pode escoller un candidato para este posto. Paula Prado cualifica o profesor de Dereito como "activista" e Olalla Rodil responde que "O PP non veta un candidato do BNG, veta o pluralismo da sociedade galega porque non a toleran"

Hai uns meses á compostelá María Varela foille diagnosticado, con 42 anos, un cancro de mama metastásico en estadio IV. Este xoves entregou no Ministerio de Sanidade 65.000 sinaturas recollidas a través de Change.org para ampliar o mecanismo de detección da doenza: "Se me fixeran probas antes, teríanme detectado o cancro a tempo e quizais tería unha opción de curarme", di.

Dende o inicio dos ataques de Estados Unidos e Israel contra Irán o pasado 28 de febreiro, hai case dúas semanas, o prezo da Gasolina 95 elevouse máis dun 13% en Galicia, chegando xa aos 1,70 euros de media, e o do Gasóleo A fíxoo en máis dun 25%, ata case o 1,85 euros. Este xoves 12 de marzo a diferenza entre a gasolineira máis cara e a máis barata de Galicia superaba xa os 40 céntimos por litro na Gasolina 95 e os 54 céntimos por litro no Gasóleo A.

A crise de prezos iniciada en 2022 só foi compensada en parte por unha suba dos salarios que aínda que en 2024 si aumentaron por riba do IPC, levaron a unha perda do poder adquisitivo dunha parte importante da poboación. Produtos de primeira necesidade, comezando pola alimentación, levan tempo subindo máis que os ingresos, o mesmo que a vivenda. Semella un mal momento para unha nova crise inflacionaria.

Esta semana un roteiro organizado polo Concello de Santiago percorrerá os escenarios da Compostela do ano 1968: os lugares clave na protesta estudantil, coma as facultades de Medicina e Historia, pero tamén os bares e a libraría de libros prohibidos. Enmárcase no proxecto Antes de maio, que inclúe o audiovisual interactivo do mesmo nome, realizado por Aqueladas, que se estrea o 17 de marzo no Teatro Principal.

O proxecto Mulleres da Reconversión, impulsado pola Deputación da Coruña, busca homenaxear as mulleres que viviron en primeira persoa o proceso de reconversión industrial, poñendo en valor o seu papel, moitas veces silenciado, nun momento clave da historia social e económica do concello de Fene. Este venres presentouse o documental realizado por Iago Varela e a exposición que recolle os testemuños recollidos

Hai que celebrar o 8 de marzo, pero que pasa os outros 364 días do ano? Falamos con Patricia Porto (Lila de Lilith), Lucía Rodríguez (Agareso), Ximena González (Marcha Mundial das Mulleres) e Fedra, Majo e Ana, da cooperativa viguesa Amorada sobre a maneira de avanzar no feminismo no traballo do día a día.

A segunda longametraxe do lucense Jorge Coira celebrou o seu 15 aniversario coa súa edición en Blu-ray e un pase especial en NUMAX. O filme coral destacou pola maneira en que foi construído, cun gran peso da improvisación a cargo dos seus actores e actrices en cada escena e, posteriormente, por un complexo traballo de montaxe. "Foi unha película moi especial", destaca Coira.

Os prezos da vivenda de segunda man (a máis habitual nas transaccións de compra-venda) superan por primeira vez o nivel máximo que se rexistrara a finais de 2007. O 2025 marca tamén un récord no ritmo de encarecemento; o pasado ano o prezo da vivenda usada subiu un 13,3% en Galicia, superando o anterior máximo (+9,7% en 2007).