Marcos Pérez Pena

Galiza Sen Gas denuncia que no que levamos de século "en Galicia aumentou máis o uso de gas fósil que o de todas as enerxías renovábeis xuntas" e advirte de que este uso crecente está a atrasar a transición enerxética no país. A entidade lembra que para cumprir o Acordo de París, Galicia debe deixar de usar gas fósil antes de 2035.

A poboación en risco de pobreza (con ingresos inferiores ao 60% da mediana) pasou do 19,4% ao 14,2% nun ano en Galicia e tamén se reduciu a porcentaxe de persoas en risco de pobreza ou exclusión social, que caeu dende o 25,5% ao 18,8%. Tan só País Vasco, Baleares e Navarra presentan mellores indicadores. Galicia é a comunidade autónoma con menos diferenzas entre os ingresos da parte máis rica e a máis pobre da sociedade

É Galicia máis insegura que hai uns anos? Cométense máis delitos? A resposta é non, á vista das estatísticas oficiais do Ministerio do Interior, que semellan desmontar as alarmas e críticas públicas lanzadas en moitos lugares por determinados partidos e medios de comunicación

Varias organizacións de cooperación ao desenvolvemento galegas traballan en Palestina. É o caso de Médicos do Mundo, Asemblea de Cooperación pola Paz, Movemento pola Paz e ONG Rescate Internacional. Falamos con elas para coñecer de primeira man o traballo que veñen realizando, o efecto que tivo para elas -e sobre todo para as entidades locais coas que colaboran- a invasión israelí e a maneira en que están tentando recompoñer a actividade despois do acordo de alto o fogo.

Belén Fernández Suárez e Carlos Diz, do grupo de Investigación Sociedades en Movemento-ESOMI, da UDC, coordinan o libro No nos vamos, nos echan. Las luchas contra la precariedad de la nueva diáspora española, unha obra colectiva que afonda na realidade da mocidade emigrante e do activismo que levou a cabo nos últimos anos en defensa dos dereitos sociais.

PP e BNG votaron en contra do proxecto de contas para 2025 presentado polo Goberno local. No caso de que este martes 11 a alcaldesa non acade máis votos favorables que negativos, abriríase un prazo dun mes para que dende a oposición se formulase unha moción de censura "con candidato alternativo". De non facelo, a rexedora continuaría no cargo e os orzamentos quedarían automaticamente aprobados

As Rías Baixas achegáronse aos 4 millóns de noites de hotel contratadas e Santiago aos 1,6 millóns, sen ter en conta os pisos turísticos. O número de turistas procedentes do estranxeiro aumentou un 14% e o seu gasto total medrou un 29%. 

Un dos edificios do Hospital Marítimo de Oza sofre dende hai anos importantes filtracións de auga, debido á "piscina" que se forma no teito plano nos meses de chuvia. Estes problemas afectan sobre todo ás consultas de fisioterapia e á área de tratamento, que "durante o inverno están cubertas de sabas, empapadores e cubos de auga"

O 26 de febreiro comeza en Portugal O Gran Camiño, a volta ciclista galega que nos últimos anos gañou a admiración internacional polo deseño do seu percorrido e a súa realización televisiva. Falamos co seu director, Ezequiel Mosquera, que destaca o obxectivo de que a proba suba de categoría a partir do ano que vén.

A Coruña solicitará á Xunta a declaración da cidade como como Zona de Mercado Residencial Tensionado, en base a un estudo que certifica que cumpre cos criterios fixados polo Ministerio de Vivenda. Tamén presentou a nova ordenanza de vivendas de uso turístico, que as reduce a baixos, primeiros andares e a edificios completos e que abre a porta a limitalas aínda máis en barrios que sofran saturación

A espera por unha primeira consulta por un problema de saúde mental pode chegar aos doce meses en Galicia. O Colexio de Psicoloxía esixe da Xunta o reforzo do persoal con cen novas prazas de Psicoloxía Clínica que permitan unha atención de proximidade nos centros de saúde. Falamos con Xosé Berdullas, vogal da Xunta de Goberno do COPG.

Castelao non puido asistir á estrea en Montevideo de Os vellos non deben de namorarse o 8 de outubro de 1941. Así que enviou un discurso a través dunha fonopostal, que se emitiu no teatro antes da representación