Marcos Pérez Pena

Unha festa en Ponteareas con actuacións infantís e musicais despide este sábado os 305 nenos e nenas saharauís que pasaron o verán en Galicia grazas ao programa de Solidariedade Galega co Pobo Saharauí (SOGAPS). Falamos coa súa presidenta, Maite Isla, que chama á participación de máis familias e lembrea a importancia de "esixir dereitos, denunciar o esquecemento e defender a liberdade dun pobo que merece xustiza".

Este domingo 30 de agosto ás 12 horas o Colectivo Decolonial de Ferrol  organiza un Antitributo ao Marqués de Amboaxe  co obxectivo de lembrar as vítimas da escravitude e o colonialismo. Investigacións realizadas nos últimos anos polo historiador económico Luís Alonso Álvarez e outros autores documentaron a relación da familia Plá co tráfico de persoas escravizadas, unha actividade que estaría na base do seu capital acumulado.

Nigrán aparece como o concello costeiro con prezos máis elevados (2.552 euros por metro cadrado), superando a Sanxenxo, Baiona e á propia cidade da Coruña. As compravendas de vivenda vacacional por parte de estranxeiros sitúanse ao redor do 20% no litoral coruñés e lucense e nunha porcentaxe superior (entre o 20% e o 40%) no pontevedrés, cun forte aumento no último ano.

O anterior Goberno municipal lucense acordara non constituír a brigada municipal, atendendo aos problemas que o propio modelo presenta. O Executivo de Candia apostou por facelo pero o empeño dos populares chocou coa realidade e a dificultade para atopar un Xefe de Brigada e finalmente decidiu a adscrición temporal para o posto dun xefe de servizo funcionario. Porén, a brigada segue sen constituírse a finais de agosto.

A Audiencia Provincial de Madrid vén de reabrir a investigación por un presunto delito de incitación ao odio antisemita, atendendo o recurso do lobby ACOM contra o sobresemento provisional da causa determinado polo Xulgado de Instrución. O autor, acusado por uns chíos publicados en 2024 nos que tirou "de ironía con pouca fortuna" para denunciar o xenocidio en Gaza, está a recibir numerosos apoios.

O concelleiro de Cultura, Javier Vázquez Prado, di que "democratizar tamén é isto: permitir que calquera persoa poida presentar a súa proposta", en resposta ás críticas polo regreso á convocatoria amateur e aos erros xerados pola Intelixencia Artificial na ilustración creada para anunciar o concurso: “a IA é xa unha realidade presente na sociedade e tamén nas ferramentas de comunicación", deféndese.

En agosto de 1976 publicouse a autorización para a construción en Regodola (Xove) dunha central nuclear que nunca se completou. O rexeitamento da cidadanía, que incluíu dúas masivas marchas dende Viveiro, foi quen de paralizar un proxecto que finalmente foi desbotado en 1984 na moratoria nuclear decidida polo primeiro goberno do PSOE.

Chegou o día. Este serán Galicia converterase nun escenario privilexiado para asistir a unha eclipse solar total, un espectáculo que non se producía no noso territorio dende o ano 1912 e que non se repetirá ata o 2180. As recomendacións: coidar os ollos, evitar desprazamentos innecesarios (sobre todo en coche) e planificar as viaxes (e estar preparados para posibles atascos) se non estamos na zona de totalidade.

O 26 de xuño de 1926 publicouse o Decreto-lei de redención forzosa de foros que supuxo a fin dun sistema de propiedade compartida da terra de orixe medieval mediante o cal moitos labregos (foreiros) pagaban unha renda anual polo arrendamento das leiras que traballaban aos foristas. A supresión deste contrato foi unha das grandes reivindicacións sociais de finais do século XIX e comezos do XX do agrarismo e doutras ideoloxías galeguistas e progresistas. Falamos con Ramón Villares e Lourenzo Fernández Prieto.

As últimas eclipses totais de Sol que se puideron ver en Galicia tiveron lugar hai máis dun século. O fenómeno causou estupor na cidadanía e foi seguido por milleiros de persoas, como destacaron as crónicas xornalísticas da época.

Na presentación do Barómetro de Emocións Políticas de España, realizado polo Equipo de Investigacións Políticas (EIP) da USC, Nieves Lagares destacou que “a política do noso tempo é unha política emocionada e non vai volver atrás”

A eclipse poderá ver en múltiples localización ao longo da área de totalidade, polo que non é necesario desprazarse a uns poucos puntos concretos. Porén, moitos concellos están a habilitar espazos dotados de servizos para a poboación. A Xunta non establece "puntos recomendados", pero a petición de varios concellos emitiu informes de emerxencias ou medioambientais sobre 85 puntos no territorio galego