A delegada do Goberno contra a violencia de xénero sinala que "en 2023 polo menos 114.576 mulleres de 18 anos en diante estaban en situación de prostitución no noso país a través de anuncios web". As estimacións do maior estudo realizado sobre a materia apuntan que pode haber "aproximadamente entre 152.735 e 184.234 mulleres" nesta posición.
O asasinato de Rejane Soares, de 42 anos, na parroquia de Covas do municipio de Viveiro a mans da súa parella propiciou concentracións para rexeitar a violencia de xénero con minutos de silencio ás portas das institucións de todo o país. O presunto autor do crime permanece detido pola Policía e ingresado no Hospital da Mariña, á espera de pasar a disposición xudicial
O asasinato este mércores na parroquia de Covas, en Viveiro, dunha muller presuntamente pola súa parella investígase pola Policía como un feminicidio. A quinta vítima da violencia machista en Galicia tiña 42 anos e deixa un fillo orfo.
No ano 2023 cometeuse no conxunto do Estado un asasinato por violencia de xénero cada 6,3 días de media, é o peor ano a respecto dos feminicidios desde 2015. A xuíza decana de Pontevedra, Belén Rubido, especializada en violencia sobre a muller, asegura que os datos confirman que "cando se denuncia hai menos posibilidade estatística de que che pase algo grave"
A atleta de Ribeira relata as diferentes agresións e vexacións que sufriu nunha relación de parella no pasado co obxectivo de axudar a que outras mulleres que poidan estar sufrindo estas violencias machistas sexan quen de identificalas. A repercusión do seu vídeo en TikTok provocou numerosas reaccións que lle recriminan por que non denunciou eses feitos na Policía
Dous equipos de investigación da Universidade de Santiago levaron a cabo entrevistas con mulleres prostituídas e persoal técnico, ademais de enquisas a entidades sociais. Alertan de que a prostitución na era dixital "trata as mulleres coma obxectos de Amazon" e incrementa a súa deshumanización, o mesmo que o porno, “ao tempo que se reafirma a identidade masculina hexemónica”
