Marcos Pérez Pena

Nos últimos 104 días, dende o 19 de outubro, en boa parte de Galicia choveu 7 ou 8 de cada 10 días, con apenas 20 ou 30 xornadas sen precipitacións. Pontevedra foi a urbe na que máis choveu, por diante de Santiago, por riba dos 1.000 litros por metro cadrado, valor ao que tamén chegou Vigo, pero estacións de Santa Comba, Zas ou Forcarei tiveron o dobre de auga. Ferrol, Santiago e A Coruña foron as cidades nas que houbo máis xornadas con algunha precipitación e, polo tanto, menos días secos

En Madrid Fusión, un dos encontros internacionais de gastronomía máis importantes e influentes do mundo, foron protagonistas os produtos quilómetro cero, da man da Deputación da Coruña: galletas, queixos, mexillón, produtos da horta, viños ou conservas, entre outros, chegados dende practicamente todas as comarcas e que son exemplos de calidade, sustentabilidade e identidade

As emisións contaminantes ligadas á produción eléctrica aumentaron en 2025 debido ao estancamento das renovables e ao aumento do peso das centrais de queima de gas fósil. Aínda así, a xeración de CO2 segue moi lonxe dos niveis previos ao peche das centrais térmicas de queima de carbón. Dende ese momento o transporte e a gandaría intensiva pasaron a encabezar as emisións de gases de efecto invernadoiro.

O Censo do INE inclúe detallada información sobre a ocupación profesional da cidadanía, indicadores que permiten trazar perfís diferenciados por sexo ou lugar de reidencia. Neste senso, atopamos concellos cunha singular concentración dunha determinada categoría laboral. E, de igual xeito, vemos que segue a haber profesións claramente masculinas e femininas.

O 22 de xaneiro de 1961, hai 65 anos, un grupo de 24 integrantes do Directorio Revolucionario Ibérico de Liberación (DRIL) secuestrou no medio do Océano Atlántico o Santa María. Coincidindo co 65 aniversario da acción do Santa Liberdade, inaugurouse na Facultade de Filosofía da USC a exposición Love Velo, no marco da actividade Xosé Velo: 65 anos da "Operación Compostela", comisariada por Aser Álvarez.

A portavoz nacional do BNG, Ana Pontón, sinalou que o envío do texto ao TXUE para que este decida se é compatible cos tratados da Unión, é "unha oportunidade de negociación e de presión para desbotalo definitivamente". Pide ao presidente da Xunta que esixa aos deputados galegos do PP que se posicionen contra o pacto comercial.

A empresa de Palas de Rei, que produce fariñas e graxas a partir de larvas de mosca soldado negra, lidera un proxecto da UE cun orzamento de máis de 3,6 millóns de euros para acadar un sistema intelixente que optimice a cría do insecto. Hai tres anos a compañía puxo en marcha a súa fábrica na Ulloa cun investimento de 22 millóns de euros, que hai uns meses incrementou en 100 millóns máis. 

A cámara aprobou nunha axustada votación remitir ao Tribunal de Xustiza da UE o acordo comercial con Mercosur para que este decida se é compatible cos tratados da Unión, un proceso que podería levar varios meses. Os grupos da Esquerda e Verdes-ALE (entre eles a eurodeputada do BNG Ana Miranda) votaron a favor, o mesmo que a extrema-dereita. PP e PSOE votaron en contra.

Durante o ano 2024 o número de prazas en residencias de maiores incrementouse en case tres mil, pasando de 22.096 a 25.017, segundo os datos da Asociación de Directoras e Xerentes de Servizos Sociais. Porén, os datos galegos seguen lonxe das recomendacións da OMS, son peores que a media do Estado e sitúanse moi lonxe das autonomías cunha maior dotación de prazas.

O 22 de xaneiro de 1963 Xosé Esperante, Che de Pedro, foi asasinado durante un enfrontamento coa Garda Civil no contexto da defensa das terras comunitarias por parte da veciñanza. Dende o 2022 Mazaricos acolle esta celebración na súa memoria. En outubro o Goberno do Estado recoñeceuno oficialmente como vítima da ditadura e fixo entrega á súa familia dunha declaración de reparación persoal.

António José Seguro (PS) concentrou o voto progresista para superar o 30% dos votos (31,1%) e o ultradereitista André Ventura rachou unha vez máis o teito electoral de Chega para atinxir o 23,8% dos sufraxios. Non haberá un chamamento unánime do resto de candidatos e forzas políticas para evitar que unha vitoria da ultradereita. Luís Marques Mendes (PSD), João Cotrim Figueiredo (IL), Henrique Gouveia e Melo e o primeiro ministro Luís Montenegro rexeitaron pedir o voto para Seguro.

Falamos con Noelia Rodríguez (Agromuralla) e Brais Álvarez (SLG) sobre as mobilizacións que están levando a cabo estas e outras organizacións contra o tratado de libre comercio que eliminará barreiras e controis. O pacto asínase este sábado en Paraguai pero aínda debe ser ratificado no Parlamento europeo e nas cámaras dos distintos países implicados, un proceso no que gandeiros e labregos queren facer presión.