Marcos Pérez Pena

En 2022 e 2023 a produción galega descendeu un 30%, debido á redución do afloramento de augas frías e á crise da mexilla. Solucionada esa última, as perspectivas son mellores para este ano e os seguintes. Pero neste contexto, a Ría de Arousa enfronta unha competencia cada vez maior pola chegada de marisco producido noutros países. E, ademais, crecentes ameazas ambientais que afectan ao caudal do río Ulla ou á calidade das augas.

O sábado 22 A Pobra do Caramiñal acolle a primeira gran mobilización contra o proxecto de celulosa dende a aprobación da autorización ambiental. Convocada pola PDRA co apoio de Ulloa Viva e a Plataforma Mina de Touro-o Pino NON, na marcha espérase a participación de milleiros de persoas e de máis de 500 barcos.

Ortigueira, A Fonsagrada, O Pino, Oza-Cesuras e Santa Comba foron os cinco concellos nos que máis madeira se cortou no ano 2023. Pero Lugo e A Coruña foron os lugares de residencia máis habituais, seguidos de Santiago, Narón e Viveiro, con Ferrol e Vigo tamén nos primeiros lugares da lista

O aval ambiental da Xunta detalla o que suporía en números a fábrica en Palas de Rei, cunha superficie de 112 hectáreas, afectación directa en catro concellos, 27.000 alegacións, unha produción anual de 400.000 toneladas de celulosa ou o uso de 1,2 millóns de toneladas de madeira de eucalipto ao ano, o 22% de todo o que se corta en Galicia.

Ante o ASVEL Lyon, o 'Uni' fixo valer a ampla diferenza acadada no partido de ida (93-62) e aínda que perdeu o partido (74-63), logrou o pase á súa primeira final europea no ano do seu debut continental. As ferrolás enfrontaranse na final a outro equipo francés, Villeneuve d'Ascq, nun choque a dobre partido (a ida o 26 de marzo en Ferrol e a volta o 2 de abril en Francia)

Alumnado e familias do IES As Lagoas levaron a cabo concentracións e distribución de necrolóxicas queixándose da "mala praxe" da docente de Matemáticas e das baixas cualificacións que outorgaba. As protestas acabaron coa baixa da mestra. Este mércores unha masiva manifestación reclamou a "dignidade do profesorado" e denunciou a "indefensión" ante os ataques.

As enquisas para os comicios, que poderían celebrarse en maio, amosan poucos cambios en relación ao resultado electoral de hai doce meses, aínda que o Partido Socialista podería converterse na forza máis votada. Rebelo de Sousa reúnese este mércores cos partidos e xoves convoca o Conselho de Estado para tomar a decisión definitiva sobre a convocatoria.

A proporción na versión galega da enciclopedia libre, o 20,6%, medra moi lentamente, dende o 18% do ano 2020 pero, con todo, supera á estatística da versión en inglés. As mulleres son clara minoría entre as editoras. A Galipedia puxo en marcha nos últimos anos diversas iniciativas para reducir esta fenda de xénero. 

O pasado ano unha grave crise afectou ao sector do viño na Ribeira Sacra. Moitas adegas presentaron grandes excedentes de viño de anos anteriores e deixaron sen recoller moita uva, especialmente das pequenas e medianas produtoras. O SLG inicia un ciclo de conferencias que busca achegar información ás produtoras "ante a ausencia de accións de apoio por parte de Medio Rural"

Os aplausos aos sanitarios das oito da tarde, o obxectivo de "aplanar a curva", as PCR e a distancia social ou a nova normalidade fican moi lonxe. Cinco anos despois da pandemia parece que non queremos pensar moito neses días estraños e que deixaron milleiros de mortes en Galicia. Así o pensa tamén a neurocientífica Sonia Villapol: "a sociedade non quere escoitar dunha experiencia negativa; é un escudo de protección: só falar do que pasou incomoda e menosprezase para relativizar o dano que causou"

Os datos do Observatorio da Vivenda amosan que os prezos medios dun alugueiro en Nigrán (781 euros) e Oleiros (768) superan amplamente os das súas cidades de referencia, Vigo e A Coruña. E que os de Baiona, Cambre ou Culleredo pasan dos 600 euros, moi preto dos datos das grandes cidades. Ademais, o pasado ano o ritmo de crecemento dos prezos foi maior nos concellos pequenos que na Galicia urbana.

Unha maioría do alumnado denuncia ter sufrido algunha agresión no seu centro de ensino. Nun estudo que publica Agareso con enquisas a 400 estudantes. Lucía Rodríguez Peña salienta como principal conclusión a "polarización" que se produce entre o alumnado masculino heterosexual e o resto do alumnado.