- Datos Cara ás Galegas
- Política
A vantaxe da esquerda nas cidades galegas, insuficiente para compensar o dominio conservador no rural
Nas últimas catro eleccións ao Parlamento galego, o bloque progresista superou o conservador nas sete cidades por unha marxe entre 20 e 50 mil votos, pero a dereita asenta o seu dominio nos concellos de menos de 5 mil habitantes, nos que obtén unha vantaxe superior. Unha maior mobilización nas zonas urbanas, semellante ao que tivo lugar en 2005, semella imprescindible para unha vitoria da esquerda
Compostela recibiu en 2023 un máximo histórico de peregrinos, un 28% máis que antes da pandemia
O pasado ano marcou un novo máximo histórico de camiñantes, con 446.035, un 2% máis que no 2022, unha suba cativa, pero moi significativa por non ser o 2023 un ano Xacobeo. Disparouse o número de peregrinos e peregrinas estranxeiras e o Camiño Francés por primeira vez non sumou o 50% das compostelas entregadas, ante a suba do Camiño Portugués da Costa.
- Entrevista | Antonio Rial Boubeta
- Acontece
"Un uso excesivo do móbil empeora a saúde da rapazada. Hai consenso científico en que se debe retardar a súa chegada"
Nos últimos meses está a poñerse sobre a mesa, cada vez con maior intensidade, o debate sobre o uso dos móbiles e das redes sociais por parte da rapazada, tanto nos centros de ensino, nos que a Xunta vén de estender a súa prohibición, coma fóra do tempo lectivo. Antonio Rial Boubeta, profesor da USC, dirixiu varias investigacións que achegaron evidencias obxectivas sofre o efecto prexudicial que un uso excesivo destes dispositivos ten na saúde física e mental, na convivencia e no desenvolvemento da mocidade.
- Datos
- Acontece
Unha Galicia nova con moitos acentos: o 17% da poboación entre 25 e 44 anos naceu no estranxeiro
Os datos do Censo 2023 amosan un grande incremento dos galegos e galegas nacidas fóra do Estado español, especialmente entre as persoas máis novas e sobre todo nas áreas urbanas. Na Coruña e Ourense, un de cada catro habitantes entre 25 e 44 anos naceu noutros países.
- Entrevista | Germán Labrador e Jorge Linheira
- Cultura
"Hai algo nos xogos de cartas que ten moito que ver co político, con estar xuntas"
A asociación Unha Gran Burla Negra presenta O Ghaiteiro Petroleiro, un xogo de cartas que busca "festexar a memoria do movemento Nunca Máis" e a loita contra un capitalismo global asentado nos combustibles fósiles. No proxecto participaron 80 artistas e deseñadores e deseñadoras do país, o que o converte nunha antoloxía da gráfica galega contemporánea. Falamos con dous dos seus promotores, Germán Labrador e Jorge Linheira.
- Datos Cara ás Galegas
- Política
O censo de residentes ausentes aumenta un 3% nas primeiras eleccións Galegas sen voto rogado dende 2009
Nas eleccións xerais celebradas o pasado mes de xuño, que estrearon o novo sistema de votación sen necesidade de rogar previamente o sufraxio, a participación do censo CERA apenas variou e só votou o 6% do electorado galego no exterior
- Entrevista | María Paz (Coordinadora Galega de ONGD)
- Acontece
As ONG sobre os recortes da Xunta en cooperación: "parece que non podemos confiar na palabra dos nosos representantes"
Falamos con María Paz, presidenta da Coordinadora Galega de ONGD para o Desenvolvemento, sobre a conxelación de fondos decidida pola Xunta, que incumpriu o compromiso de aumento orzamentario para cooperación.
- Datos Cara ás Galegas
- Política
O electorado menor de 35 anos chamado a votar o 18F é a metade que nas Galegas de 2001
Os e as menores de 35 anos pasaron en dúas décadas de ser maioritarios (690 mil persoas) a sumar na actualidade apenas 365 mil electores e electoras. Case un terzo do censo total de residentes (o 32,6%) ten máis de 65 anos e case 6 de cada 10 (o 59,45%) superan os 50 anos
- Datos
- Acontece
8 de cada 10 concellos perderon poboación na última década
27 concellos perderon máis do 20% da súa poboación dende o ano 2013, encabezados por Calvos de Randín. No outro extremo, hai 54 localidades que gañaron habitantes, entre as que destacan Oleiros en termos absolutos e Miño en termos relativos (máis dun 16%)
- Datos
- Acontece
"Un é de onde pace": Oleiros e Barbadás son os concellos con menos poboación nacida no mesmo termo municipal
En Oleiros, catro de cada cinco habitantes naceron fóra do termo municipal, unha porcentaxe semellante á que se rexistra noutros da área metropolitana da Coruña, como Culleredo, Cambre ou Sada. En Barbadás só o 24% dos seus habitantes naceu no propio concello.
- Datos Cara ás Galegas
- Política
A activación do voto urbano de esquerdas que adoita absterse nas Galegas, clave do 18F
Dende hai anos, a participación nas eleccións ao Parlamento galego sitúase ata 10 puntos por debaixo da participación nas Xerais, unha diferenza que se dá principalmente nas zonas urbanas, cunha gran masa de electores que votan formacións progresistas nos comicios de ámbito estatal pero que se absteñen nos autonómicos.
O número de accidentes de tráfico con implicación de animais medra un 35% dende 2017, a maior parte por xabaríns
A DGT publicou este martes un informe sobre este tipo de sinistros, que acadaron un máximo en Galicia en 2022, con 5.512. Con todo, en só 69 dos accidentes algunha persoas resultou ferida, con cinco hospitalizados e sen falecidos. A estrada N-640, nas proximidades de Lugo, é o treito con máis sinistros con animais en todo o Estado