Marcos Pérez Pena

O Ateneo Aurora e o colectivo Refuxios da Memoria convocan para este domingo unha homenaxe ás traballadoras da Fábrica de Mistos ao pé do seu monumento na praza de Monforte. Os actos lembran a folga iniciada por elas en abril de 1901 e que foi, entre outras, prólogo da folga xeral que paralizou a cidade a finais de maio e que desencadeou unha dura represión contra obreiros e obreiras na que morreron oito persoas e ducias resultaron feridas ou encarceradas.

O Ministerio de Vivenda publica un estudo que analiza as principais bolsas de solo dispoñibles para a construción de novos inmobles. O documento identifica en Galicia 24 sectores en sete concellos (A Coruña, Santiago, Ferrol, Lugo, Miño, O Barco de Valdeorras e Sanxenxo) nos que nos vindeiros anos se poderían construír 49.526 novas vivendas, 22 mil delas na cidade herculina.

O Consello da Cultura publica un documento elaborado por expertos con consellos para a cidadanía e as administracións, buscando a seguridade persoal e colectiva o vindeiro 12 de agosto, momento da eclipse total de Sol. As medidas buscan axudar a “vivir con seguridade un fenómeno que traerá desprazamentos masivos xa que é unha oportunidade única”.

A finais do pasado ano Galicia superou os dous mil puntos de recarga en rúas e estradas, un 20% máis que o ano anterior. Porén, o ritmo de crecemento foi inferior á media española, o que sitúa Galicia como a segunda comunidade autónoma con peor infraestrutura de recarga de vehículos electrificados

O ciclista de Ponteareas gañou entre abril e maio de 1986 a Vuelta a España, un triunfo que o converteu nun ídolo de masas, un dos símbolos da Galicia dos 80 e que mesmo entrou a formar parte dunha canción dos Resentidos. Lembramos os detalles da vitoria do corredor, que anos máis tarde foi tamén director de varios equipos, entre eles o Xacobeo-Galicia.

Christoph Schreinmoser, profesor de Dereito Internacional Público e Relacións Internacionais na UDC, é o novo director do IGADI, que chega aos 35 anos de actividade, todo un logro para un think tank independente, galeguista e con vocación universal, que traballa para "comprender o mundo desde aquí" e "proxectar Galicia no contexto internacional". Falamos sobre os retos da entidade para os vindeiros anos, sobre a necesidade de mellorar a acción exterior de Galicia e sobre a crise do Dereito Internacional e das súas institucións. 

A emisora comunitaria da Coruña está a celebrar o seu trixésimo aniversario dunha programación de actividades. Cunha grande implantación social na cidade, segue a pelexar pola obtención da licenza de emisión á que ten dereito por lei. Falamos con Paula Alonso, Mariano Fernández e Tomi Legido.

A Asociación Internacional de Estudos Galegos, que reúne 400 investigadores galegos no estranxeiro ou estudosos da cultura galega doutros países, celebrou o pasado ano o seu 40 aniversario e prepara o seu 15º congreso trianual, o ano que vén no Brasil. Falamos co seu presidente, Xoán Lagares, profesor na Universidade Federal Fluminense.

A revista publica o seu número 1.078, que introduce cambios estéticos na publicación (32 páxinas a toda cor), que pasa a publicarse cada tres meses nunha aposta pola "análise demorada e a reflexión con densidade". Baixo o lema “A Humanidade en pé de Paz”, esta entrega céntrase no rexeitamento da guerra e do militarismo e trata tamén a defensa do rural.

A diferenza no prezo da electricidade entre a Península e a maior parte de Europa, onde o custo da luz se está a disparar, explícase pola aposta de España e Portugal polo uso de fontes renovables para a produción eléctrica e a súa cada vez menor dependencia das importacións de gas fósil. Falamos con Xosé Veiras (OGACLI), que reclama "un pacto político e social amplo sobre o desenvolvemento das renovables" e a electrificación da economía.

A homenaxe, que terá lugar o vindeiro xoves 23 de abril na Casa das Máquinas, en Galeras, está impulsada por Xaquín Leiceaga, Xesús Veiga, Xosé Manuel Rivadulla, Lourenzo Fernandez, Encarna Otero e Marta Lois. Quérese recoñecer "todo o que fixo cando estivo na Fiscalía de Medio Ambiente" e tamén "o seu traballo veciñal".

Un dos dous decretos aprobados polo Consello de Ministros para paliar os efectos da guerra prevé a conxelación dos contratos de alugueiro que venzan no que resta de 2026 e durante todo o ano 2027 e limita ao 2% o incremento do prezo a pagar. O Ministerio de Consumo elaborou un informe no que calcula que en Galicia 132.237 inquilinos e inquilinas se atopan nesta situación, nun total de 58.772 contratos