Marcos Pérez Pena

O 12 de marzo de 1986 España aprobou en referendo permanecer na OTAN, nunha consulta que rexistrou unha elevada abstención e na que o si se impuxo por 13 puntos. En Galicia a diferenza foi máis ampla (vinte puntos) pero coa participación máis baixa do Estado (38%), de xeito que só 1 de cada 5 votantes apoiou a proposta. Consulta no interior o resultado en cada concello

Cada semana os asalariados e asalariadas galegas traballan máis de 122 mil horas fóra do seu horario laboral -horas extra- polas que non reciben remuneración. Esta situación afecta ao 2,2% das persoas traballadoras en Galicia (unhas 21.000), que de media realizan 5,8 horas extra non pagadas cada semana. Son os datos dun informe que denuncia esta "situación de explotación laboral persistente e estrutural".

A vivenda está a virar no principal factor de desigualdade económica. Para moitas persoas (nomeadamente para as novas xeracións) resulta cada vez máis difícil acceder a un inmoble en propiedade e só a transmisión interxeracional as converten en propietarios. Pero esta transmisión interxeracional non necesariamente implica unha redución das desigualdades, senón que as amplifica: non todo o mundo herda e hai quen herda unha vivenda e hai que herda varias e, ademais, de moito maior valor

Antón Baamonde vén de publicar Agora non é antes. Ideas para unha revolución tranquila (Galaxia), un ensaio que busca "combater os clixés" aínda existentes sobre Galicia, "transformar o modo en que nos imaxinamos" e "abandonar as retóricas da pasividade" que levan ao derrotismo. Lembra que hai tempo que non é un país atrasado nin rural e chama a confomrar un proxecto de país en positivo, un horizonte desexable e realista.

Un dos documentos desclasificados este mércores, manuscrito e atribuído ao CESID, sitúa o político de Vilalba en dúas conspiracións en marcha que en 1981 buscaban sacar a Suárez do poder por vías non democráticas. Nos textos tamén se detalla o coñecido incidente que protagonizou ás nove da mañá do 24 de febreiro, no que puxo en perigo ao resto de deputados.

O Goberno de España publicou este mércores ao mediodía a documentación desclasificada sobre o intento de Golpe de Estado do 23F. Varios informes policiais, realizados pola Jefatura Superior de Policía da Coruña, detallan a resposta que o Golpe de Estado tivo nas rúas galegas, principalmente a cargo de sindicatos, forzas políticas de esquerda e grupos estudantís. 

O descenso no número de delitos convencionais denunciados en Galicia (dende roubos e furtos a delitos relacionados co tráfico de drogas) contrasta co crecemento dos discursos que advirten do contrario, de rúas máis inseguras. Aumentan de maneira importante, iso si, as estafas informáticas.

O pasado venres morreu aos 62 anos Francisco Xavier Redondo Abal, vítima dun cancro. Era bibliotecario da USC e ocupaba o cargo de director da biblioteca de Física. Dedicou tamén a súa vida á investigación histórica, especialmente á memoria democrática, ámbito no que publicou unha ducia de libros, e sobre todo afondou no estudo da represión sufrida por bibliotecarios e bibliotecarias na ditadura.

A volta ciclista galega regresa cun cambio de datas, do 14 ao 18 de abril, cun percorrido de cinco etapas que de novo presenta un perfil esixente e variado, cun deseño coidado do gusto dos afeccionados e dos corredores ofensivos. “Etapa cómoda ningunha, esa é unha máxima aquí. Todas teñen picante”, salienta Ezequiel Mosquera, director da proba

En 2025 visáronse 4.839 vivendas de nova planta en Galicia, un 39% máis que o ano anterior. Con todo, a cifra está moi lonxe dos niveis previos á crise da Gran Recesión, cando chegou a superar as 40.000 vivendas novas. O 73% das novas vivendas construídas en Galicia concéntranse en dez concellos: A Coruña, Pontevedra, Sanxenxo, Vigo, Oleiros, Lugo, Vilagarcía, Ames, Ferrol e Carballo.

Entre 2014 e 2024 un total de 159 persoas morreron atropeladas nas rúas e estradas galegas, 1.119 persoas sufriron feridas graves e 4.734 feridas leves. Unha parte importante tiveron lugar nas zonas urbanas, pero non en Pontevedra, onde as políticas de calmado do tráfico e de peonalización de espazos conseguiron que dende febreiro de 2011 non houbese atropelos mortais.

En 2025 houbo en Galicia 13.567 nacementos, 217 máis que os rexistrados en 2024 (13.350), unha suba pequena pero que supón o primeiro cambio de tendencia despois de 18 anos de descensos.