Bárcenas non vai quedar parado. O ex tesoureiro deseñou un dispositivo de reacción para defenderse da situación xudicial que este xoves o levou á prisión de Soto del Real. Así o asegura unha fonte moi próxima ao ex responsable das contas do PP: "Luis ten preparado un dispositivo por se lle pasa algo". A advertencia asínaa unha das poucas persoas que, até onte, despachaba a diario co ex tesoureiro. Segundo esta fonte, "Non sei que é o algo nin cal é o dispositivo, pero teno organizado xa”.
"A súa situación na cadea de Soto del Real permítelle recibir visitas e manter contacto co exterior a través do teléfono. Os seus achegados agardan agora ordes do ex tesoureiro, para quen se cruzou unha liña vermella co seu encarceramento"
Luis Bárcenas xa pasou a súa primeira noite en prisión. A súa situación na cadea de Soto del Real permítelle recibir visitas e manter contacto co exterior a través do teléfono. Os seus achegados agardan agora ordes do ex tesoureiro, para quen se cruzou unha liña vermella co seu encarceramento.
Bárcenas non esperaba onte que Pablo Ruz decidise o seu ingreso en prisión. Acudiu á Audiencia Nacional sen levar consigo os aveños necesarios por se se daba esa circunstancia e a mañá deste venres tivo que facer uso do seu traxe e gravata para saír a pasear ao patio do centro penal.
Bárcenas ten agochada documentación moi comprometedora sobre a xestión do Partido Popular. Eses documentos atópanse aloxados en varias localizacións e a parte fundamental está fóra de España
Segundo soubo eldiario.es de fontes próximas, Bárcenas ten agochada documentación moi comprometedora sobre a xestión do Partido Popular. Eses documentos atópanse aloxados en varias localizacións e a parte fundamental está fóra de España. No seo do PP son conscientes de que levar a Bárcenas a prisión podería supor un problema serio para Rajoy e os seus. O ex tesoureiro debe decidir agora como xestionar os datos que obran no seu poder.
A campaña electoral de 2004 é un dos primeiros capítulos dos que, en breve, se poderíanse coñecer máis detalles que bordearían a ilegalidade, segundo as fontes consultadas. O modo de xestionar os pagos a quen realizaban supostas enquisas para o partido é, segundo estas fontes, de dubidosa legalidade e nel agocharíanse pagos escandalosos. A información sobre esa campaña electoral situaría a Rajoy no centro da polémica con poucas opcións de mirar ao pasado e culpar veadamente a Aznar dos desmáns en Xénova 13. A documentación en poder do ex tesoureiro demostraría, segundo quen accedeu a ela, que o PP bordeou a lei no pasado pero que o seguiu facendo con Rajoy á fronte.