Vermús, o Festival de Cans, compras atrasadas durante a campaña ou música repítense nos plans de candidatas e candidatos nesta xornada
Na segunda xornada de reflexión en menos dun mes non todos os líderes das principais forzas políticas convocaron a prensa esta véspera das eleccións municipais para permitiren que a prensa os fotografase realizando actividades máis ou menos cotiás. Si o fixeron varias das persoas que encabezan candidaturas ás alcaldías das cidades galegas e tamén integrantes das listas ao Parlamento Europeo.
Vermús con familiares ou membros das candidaturas, o Festival de Cans, compras atrasadas durante a campaña ou música repítense nos plans de candidatas e candidatos, algúns dos cales tamén aproveitaron para acudir a citas festivas durante a xornada. Outros, pola contra, optaron por non ter axenda pública e dedicaren integramente o día á familia, ás amizades e ao descanso antes da intensa e decisiva xornada do 26M.
Xornada de reflexión previa ás municipais e europeas do 26M
-
Miguel Anxo Fernández Lores e membros do BNG de Pontevedra, almorzando -
Xulio Ferreiro, na Festa dos Chicharróns do barrio de Feáns -
Lara Méndez acudiu ver a final da liga de ximnasia rítmica na que participa a súa filla -
Ana Miranda, candidata do BNG á Eurocámara, asistiu ao Festival de Cans -
Abel Caballero desenvolveu múltiples actos institucionais. Entre eles, a entrega de medallas dunha competición infantil -
Luís Villares compartiu o vermú co candidato de Lugonovo, Xosé Chorén, e outros membros da candidatura -
Lidia Senra, candidata de En Marea ás europeas, no mercado labrego dos Tilos -
O candidato do PSdeG en Ourense, Rafael Rodríguez Villarino, aproveitou para facer un roteiro en bicicleta -
Elena Muñoz, candidata do PP de Vigo, tomando o vermú con Ana Pastor -
Rubén Arroxo, candidato do BNG en Lugo, no Campo Castelo con membros da candidatura