O BNG confía en que Feijóo cumpra de todo coa súa intención de buscar un "burato legal" que lle permita que en Galicia se atenda aos inmigrantes, tal e como adiantou o pasado domingo nunha entrevista a Europa Press. A vicevoceira do grupo parlamentario do Bloque, e responsable da área de sanidade, Ana Luisa Bouza, confiou en que o presidente da Xunta confirme que no Sergas se atenderá a sen papeis. "Se o fai, será un goberno mereciente de tal nome e demostrará que a insubmisión non só é posible, senón que é necesaria", sinalou a parlamentaria nacionalista.
En concreto, o presidente da Xunta declarouse "non partidario de diminuír a asistencia sanitaria" ao colectivo de inmigrantes sen permiso de residencia, pero esperará a "ver ben" o texto definitivo da orde do Ministerio de Sanidade sobre o cobro aos sen papeis por ser atendidos para analizar con "que burato legal" conta o Executivo galego para poder asistilos.
Ana Luisa Bouza apelou a que así "o faga", porque para atender os crónicos -que o Goberno central anunciou que incluirá para este colectivo-, estas persoas primeiro teñen que entrar no sistema de atención primaria. "Entendemos que a atención debe ser completa", remarcou Ana Luisa Bouza, quen lembrou que o baixo índice de inmigración no país provoca que a súa atención integral non sexa"rémora ningunha".
